Útstykkingarnar við Hálsatjørn og á Fríðufløtum handaðar Sjóvar kommunu
Mánadagin 6. juli vóru útstykkingarnar við Hálsatjørn og á Fríðufløtum endaliga handaðar Sjóvar kommunu. Hetta var gjørt á lítlari samkomu í bygdahúsinum á Strondum, har Eyðun Magnussen, vegna Kreton, og Artur Johansen, fyri Sjóvar kommunu, undirskrivaðu avhendingarskalið.
Útstykkingarnar fevna um 53 grundstykkir, 11 grundstykkir á Fríðufløtum og 42 grundstykkir við Hálsatjørn.
Nærum øll grundstykkini í útstykkingunum eru longu seld.
Tað er partafelagið Munin, sum hevur projekterað útstykkingina, og Sp/f Kreton saman við Sp/f Voyt, hava staðið fyri arbeiðnum at gera útstykkingarnar. HMP Consult hava havt eftirlit við arbeiðnum.
Samlaði kostnaðurin fyri báðar útstykkingarnar kemur at liggja millum 16 og 17 mió. krónur. Grundstykkjaprísurin við Hálsatjørn er kr. 250,00 fyri fermeturin og á Fríðufløtum er hann kr. 300 fyri fermeturin, tað boðar Sjóvar kommuna frá.
Mest lisið í farnu viku
Samband
Heygsvegur 8
490 Strendur