Leygardagin, 11. juli kl. 11.00 letur matstovan í SALT upp í nýggjum hami. Í matstovuni kanst tú njóta eitthvørt leskiligt, samstundis sum at tú kanst njóta tað sjáldsama góða útsýni út yvir Trongisvágsfjørð.

Nógv fólk ferðast til Suðuroyar í summar, og vit gleða okkum til at taka ímóti bæði ferðandi og fastbúgvandi, og at bjóða tykkum eitthvørt gott og leskiligt undir góman.

Opið verður hvønn dag millum kl. 11 og 18.

Lokal list í SALT
Frá 18. juli til 23. august verður spennandi listaframsýning á skránni, tá lokal listarfólk úr Suðuroy fara at sýna fram. Enn er møguligt at melda seg til sum framsýnari. 

Í dag 9. juli - Fólkatónleikastevnan
Hósdagin 9. juli fara Ragnar Finsson, Leiðland, The Crowberry Band og Spælimenn á pall í SALT.
Bæði Ragnar og the Crowberry Band hava verið nógv at hoyrt í útvarpinum.

Leiðland er ein spennandi nýggjur bólkur, mannaður við fleiri royndum tónleikarum. 

Spælimenn hava verið virkin í Føroyum nú í 45 ár. Tey spæla siðbundnan og nýskrivaðan fólkatónleik á violin, floytu, klaver, gittar, mandolin, harmoniku, bass vm.

12. juli - Jósef Zachariassen & Bárður Reinert Poulsen
Jósef Zachariassen er føroyskur klaverleikari og tónaskald. Afturat sær til hesa konsertina hevur hann Bárð Reinert Poulsen á bass.

Tað skivar SALT.fo