Koronatýpa, G, tekur yvir heimin
Ein lítil úrbregðing, ella broyting, í koronavirusinum kann hava gjørt virusið enn meiri smittandi. Broytta virusið, sum granskarar kalla G, tekur yvir í enn fleiri londum.
Í Norra varð fyrsta virusið við hesi ílegubroyting uppdagað 28. februar. Tá var eldra útgávan av virusin við at fara burtur.
- Tað er næstan bara virus við hesari broytingini, sum vit hava sæð í Norra, sigur Karoline Bragstad, sum er granskari á norska Fólkaheilsustovninum.
Har hava tey líka síðan koronasmittan kom til landið kannað ílegutilfarið í virusinum, sum norskir sjúklingar hava havt. Bara eina ferð síðan marsmánað er eldra slagið av koronavirusinum funnið - sonevnda týpa D.
Men tað er ikki bara í Norra at týpa G hevur tikið yvir. Hetta hendir, ella er longu hent, um allan heim.
Hóast nýggja týpa G smittar meir enn tann fyrra, so ber ikki til at siga, at hon er deyðiligari. Hetta varð annars nevnt, tá týpa G varð funnið av fyrstan tíð, men hetta er seinni víst aftur, tí kanningarnar vórðu ikki haldbarar.
Mest lisið í farnu viku
Havstovan tilmælur at stongja tað mesta
Samband
Heygsvegur 8
490 Strendur