Seinastu tíðina er nógv hent í Fuglafirði, hvat bygging viðvíkur. Ein stórur skúli fyri meir enn 100 mill. verður bygdur í løtuni, spakin varð settur í tað verkætlanina 1. mars 2017. Ein annar partur er ítróttarhúsið.

Í gjár var byggingin komin somikið áleiðis, at tann parturin av húsinum, sum húsar fótbóltinum, kundi handast til fótbóltsliga flaggskipið í bygdini.

Øll vóru tí boðin at síggja niðastu hæddina av nýggja ítróttarhúsinum, sum serliga er ætlað fótbóltinum. Snotiligu hølini er úrslitið av einum breiðum samstarvið millum Fuglafjarðar Kommunu, FSF og ikki minst ÍF, sum ger, at ítróttarhúsið hevur allar teir hentleikar, sum eitt modernað felagshús skal hava.

Nógv fólk vóru komin saman í gjár, har vóru eisini umboð fyri kommununa, byggiharranum og ÍF, sjálvandi. 

Longu í dag er fyrsta almenna tiltakið í húsinum. Tað verður limadagurin hjá barna og ungdómsfótbóltinum hjá ÍF. 

Myndirnar eigur heimasíðan hjá ÍF og Fuglafjarðar kommuna.