Kári Sólheyg hevur staðið í læru sum maskinsmiður á verkinum á Strond í Klaksvík - sum tann fyrsti nakrantíð. Tíðin hevur gingið øgiliga skjótt, heldur Kári, sum hevur trivist væl í starvi sínum á SEV-verkinum á Strond. Kári heldur fram í starvinum, inntil hann fer lesa víðari til maskinmeistara.

SEV er góðkent lærupláss fyri elektrikaralærlingar, maskinsmiðir og skrivstovulærlingar, og metir tað vera umráðandi at vísa samfelagssinni við at taka ábyrgd og gera sítt til, at ung fólk kunnu nema sær útbúgving.

Tað skrivar sev.fo