Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Lýsing
Lýsing

STØRST SPENNINGUR VIÐ LØKIN

Innanlands, Ítrottur | 11/07-2020 17:00

ÍVB kann fáa NSÍ aftur á stigatalvuni, oddaliðið KÍ er favorittur sum vant, og Tórsvøllur verður karmur um spennandi botnuppgerð

Í morgin, sunnudagin 12. juli, er 9. umfar í Betri Deildini hjá kvinnum á skránni, og dystirnir eru hesir:

Kl. 12.15: HB – EBS/Skála
Á Tórsvølli verður botnuppgerð millum HB og EBS/Skála. Undan dystinum er HB frammanfyri við tveimum stigum, og við sigri kunnu tær tí leggja veruliga luft millum seg og unga felagsliðið á aftasta plássinum. Hjá EBS/Skála er talan hinvegin um ein gyltan møguleika fyri at hála seg upp úr botninum.

Á pappírinum hevur hópurin hjá HB fleiri royndir í bestu deildini, og við fleiri landsliðsaktuellum leikarum eigur góðskan hjá teimum eisini at vera hægri, enn hjá unga mótstøðuliðnum. Tó skal EBS/Skála á ongan hátt undirmetast, tí tær hava í fleiri umførum givið sínum mótstøðuliðum skarpan gang, og í fimta umfari vunnu tær á heimavølli móti júst HB.

Kl. 12.30: KÍ – B36
Tað hevur riðið um snarið fleiri ferðir, men føroyameistararnir hava hvørja ferð megnað at hála sigurin heim. Seinast lat sigursmálið móti ÍVB bíða eftir sær til evstu løtu, og tað vitnar um veruliga spenningin í dystunum í landskappingini, hóast KÍ er langt fremst á stigatalvuni.

Samanborið við vónir og væntanir undan kappingarbyrjan, hevur árið higartil hilnast væl hjá B36, og óivað fara tær á vøllin sunnudagin fyri at basa oddaliðnum. Men við sigursgongdini hjá KÍ higartil í ár, ber ikki annað til enn at kalla tær favorittar undan dystinum.

Kl. 13.00: NSÍ – ÍVB
Størsti spenningurin hetta umfarið verður eftir øllum at døma við Løkin, har NSÍ og ÍVB bresta saman. Fyrri dysturin millum liðini endaði við javnleiki, hóast ÍVB var leikliga omaná á tí degnum. Á stigatalvuni hevur NSÍ tó munin við trimum stigum, og við góðum hugburði og eini imponerandi áskoðarafjøld, hava tær higartil í ár víst seg at vera serliga stinnar á heimavølli.

Spennandi verður eisini at síggja, um Margunn Lindholm nú fær sín fyrsta dyst sum NSÍ-ari, og í so fall, hvønn mun hon kann gera fyri NSÍ. Hjá ÍVB ræður um at finna stabilitet á liðnum, sum hevur verið hart rakt av skaðum seinastu mánaðirnar, og við Honnu I. Højgaard aftur á liðnum hevur felagsliðið nú eitt vandamikið vápn í álopinum.

Stigatalvan og leikskráin í Betri Deildini hjá kvinnum sæst her https://www.fsf.fo/kappingar-og-urslit/kvinnur/betri-deildin-kvinnur/ 

Tað skrivar  fsf.fo 


Lagt út: Birgir Waag Høgnesen
Lýsing
Mest lisið í farnu viku
Vespureiðrið (145) - 3. aug. 2020
Samrøða: Bjarti Mohr um amerikanska forestavalið 2020
Hildu Ólavsøku á Lúsabankanum
Strandferðslan eigur ongi skip
Ein í koronakø: Vit larraðu okkum fram í næstan seks tímar
Petur Hans Dahl. veðurfrøð­ingur: Veðurvá­nir fyri hesa vikuna (vika 32)
Til lukku Bárður
Obama stuðlaði islamum at byggja mosku, har Twin Towers stóðu
SLEIPIBÁTU­RIN – vanlig sjón á Skálafjørðinum
Størsta vinningsbýti nakrantíð í Evropa
Suðuroyar Sjúkra­hús: Vit pota eisini í dag leygar­dagin 8. august
Kendist gott at koma her
Borgar­stjóri: Haldi tykkum burtur í kvøld
Venjara­felagið: Vit undrast yvir, at ávísir venjarar fáa loyvi til at standa á odda fyri sínum liði
Fleiri sendingar verða bodnar út á KVF.fo
Við fastur síni til konsert
Fyritøkur sum Burberry, Nike og H&M brenna síni avlopsklæði
Á Torginum 4. aug. 2020 - Samrøða: Betty og Jógvan við Keldu (uppt. sept 2010)
M. C. RESTORFF SJEYTI
So eksploderaði smittan: 14 nýggir koronatilburðir
Danmark setir fleiri lond á gula listan
Góðu tit, sum ráða fyri borgum, latið tann blomstr­andi partin av tí almenna fáa frið
Miðil: Ein matstova í Eysturoynni helt ikki kunngerð­ina
Í samfull 40 ár hevur Magni staðið fyri startinum
Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Nýggjastu tíðindi