Hetta er tann besta einstaka ÍF vikan í longri tíð. Fríggjadagin fingu vit húsið handað, í dag vunnu vit 3 stig móti Skála og eftir dystin settu tveir av okkara leikarum sítt navn á ein sáttmála, sum er galdandi til og við kappingarárið 2022.

Soleiðis skivaði heimasíðan hjá ÍF.fo sunnukvøldið.

Jan Ó. Ellingsgaard hevur verið ársins leikari tvey tey seinastu árini, og liðskiparin kom við dystinum móti Skála upp á 250 dystir í fremstu deildini hjá monnum. Teir flestu av hesum fyri barndómsfelagið.

Karl A. Løkin hevur spælt 236 dystir í fremstu deildini, og eins og Jan hava teir flestu av hesum verið við Fløtugerði sum heimavølli. Harafturat hevur Karl hevur seinnu árini verið varaliðskipari hjá okkum. 1 hús, 2 undirskriftir og 3 stig er sanniliga nakað frøðast um.

Vit ynskja Jan og Karl tillukku við sáttmálunum, og gleðast yvir at teir báðir komandi árini eisini spæla í reyðum.

Soleiðis skrivaði heimasíðan IF.fo sunnukvøldið.

Myndina hevur George Berjastein tikið.