Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Lýsing
Lýsing

Johan Dahl: SEV og marknaðargerð av el-framleiðslu

Lesarabrøv, Politikkur | 27/07-2020 14:00

Hví vil Torbjørn Jacobsen ikki siga sannleikan, men heldur skriva eina villleiðandi grein undir heitinum: “Hvor længe skal komedien spilles?”

Greinin er m.a. um allar tær verðsins vanlukkur, sum fara at raka elorkuøkið við at skilja netpartin hjá SEV frá og marknaðargera el-framleiðsluna í Føroyum.

Sundurskiljing av netpartinum frá rakstrarpartinum hjá SEV hevur verið umrøtt í áravís, heilt síðan nýggja elveitingarlógin bleiv gjørd.

Tað undrar meg, at mann leggur so stóran dent á at villleiða fjøldina, heldur enn at halda seg til fakta.

Hvat er so fakta í hesum málinum um sundurskiljing av netpartinum?

Verður netið tikið frá SEV?

Svar:  Nei, tað er beinleiðis at villleiða at siga tað. SEV kemur framhaldandi bæði at eiga, útbyggja, viðlíkahalda og reka netpartin, eins og SEV skal tryggja, at tey, sum koma at veita streym inn á netið, lúka krøvini til veiting sambært GRID-kotu osfr.

Hvussu við nevnd í hesum felag? 

Svar: Her má frá myndugleikans síðu við lóg tryggjast, at tað verður ein professionelt samansett nevnd, sum eisini tryggjar neyðuga gjøgnumskygnið.

Hvat fær SEV frá teimum, sum koma at nýta netið?

Svar: Netparturin hjá SEV ásetur eitt gjald pr kilowatt fyri at tryggja umsitingina, viðlíkahaldið og útbyggingina av netinum.

At tað eisini verða aðrir aktørar á orkuveitingarøkinum enn SEV, er als ikki negativt, tað kemur at viðføra, at vit, skjótari enn SEV ætlar, koma at flyta okkum fram móti grønu loysnunum og útbygging av grønum loysnum.

Eisini er tað umráðandi at leggja sær i geyma, at tey, sum fara at gera íløgur í vindmyllur, pumpuskipanir, battarískipanir og aðrar grønar loysnir koma at fíggja hetta, so tað verða fleiri at bera fíggjarliga váðan við orkuútbyggingnum, og skuldi tað hent, at viðkomandi fer á heysin, so eru tað bert teir, sum eiga, ið bera tapið, og ikki sum nú, at tað er brúkarin, ið ber kostnaðin av skeivum íløgum hjá SEV.

Onkur vil ivaleyst rógva fram undir, at mann er úti eftir SEV - tað er tað reina tvætl. Tað skal ongin ivi vera um, at vit øll eru góð við SEV og vilja tryggja SEV bestu livilíkindi, men kapping hevur ongantíð verið óheppin, og tað verður hon heldur ikki í hesum føri, hon førir til lægri prísir, skapar innovatión og nýggjar vinnumøguleikar, og hví skal mann siga nei til tað?

At bæði SEV og aðrir kunnu bjóða seg fram á líka føti at veita heildarloysnir til brúkaran í komandi tíðum kemur at gagna bæði vinnulívinum og almennu og  privatu brúkarunum - framtíðin inniber alt meira og meira elektrificering. Tær loysnir, sum koma í ljósmála í komandi árum, koma at lætta um hjá virkjum, stovnum og húsarhaldum við snildloysnum av alskyns slag, og alt krevur streym, so orkunýtslan kemur at vaksa munandi, og tað setir stór krøv til veitararnar.

Vit mugu lyfta í felag og viðvirka til góðar og skynsamar loysnir fyri okkara land og fólk.

Tí vil eg mæla til, at tú heldur enn at leggja teg tvørt fyri, soleiðis sum eg síggi, at fleiri tjóðveldisborgarstjórar gera, og sum vildi tænt tykkum og øllum kommunum til sóma, at havt brúkaran í huganum fyrst og fremst, og at framtíðarleisturin, sum verður valdur, kemur  brúkaranum til gagns.

Neyðugt er, at ein loysn verður framd í hesum máli skjótast tilber, so verulig gongd kann koma á tær stóru verkætlanir, sum liggja fyri framman - millum annað við Pump to Storage, vindorkuætlanir, biogas, vetni og annars øðrum grønum loysnum, sum eru fyri framman.

Onnur lond um okkara leiðir hava ment lóggávu og skipanir fyri at marknaðargera el-framleiðslupartin við góðum úrslitum.

Tað kann sjálvandi vera trupult hjá einum sosialistiskum flokki at taka undir við slíkari tilgongd, tá vanahugsanin hjá hesum partinum av politisku skipanini er, at landið - her kommunurnar - skal standa fyri øllum týðandi virksemi. Men hendan tilgongdin at marknaðargera el-framleiðslupartin fær breiða undirtøku í okkara grannalondum, og kundu eisini tjóðveldisfólk lært av royndunum aðra staðir til frama fyri vinnuna og borgararnar í Føroyum.

Johan Dahl
løgtingsmaður fyri Sambandsflokkin


Meiningar og hugleiðingar ið verða bornar fram í hesum lesarabrævið, umboða ikki meiningar, áskoðanir ella sjónarmið hjá leiðsluni í R7 Kringvarp.

Lagt út: Birgir Waag Høgnesen
Lýsing
Mest lisið í farnu viku
Samrøða: Bjarti Mohr um amerikanska forestavalið 2020
Ein í koronakø: Vit larraðu okkum fram í næstan seks tímar
Obama stuðlaði islamum at byggja mosku, har Twin Towers stóðu
Vespureiðrið (146) - 10. aug. 2020
Til lukku Bárður
Størsta vinningsbýti nakrantíð í Evropa
Samrøða: Elsti maður í Barentshavi­num farin seinasta túrin
Er Corona bert eitt ringt beinkrím ella undirgangur Vesturlanda
Kendist gott at koma her
Við fastur síni til konsert
Suðuroyar Sjúkra­hús: Vit pota eisini í dag leygar­dagin 8. august
Venjara­felagið: Vit undrast yvir, at ávísir venjarar fáa loyvi til at standa á odda fyri sínum liði
Fyritøkur sum Burberry, Nike og H&M brenna síni avlopsklæði
Borgar­stjóri: Haldi tykkum burtur í kvøld
Brandur Sandoy svarar Linjohn Christiansen aftur
Petur Hans Dahl. veðurfrøð­ingur: Veðurvá­nir fyri hesa vikuna (vika 33)
Ein oldingi avloysir ein avdeyða sum forseti í Algeria
Beirut: Russiskur reiðari undir illgruna
Ikki alt er so galið kortini
So eksploderaði smittan: 14 nýggir koronatilburðir
Danmark setir fleiri lond á gula listan
Sigla olju út um landið
Malawi: ein veik glæma úr Afrika
Miðil: Ein matstova í Eysturoynni helt ikki kunngerð­ina
Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Nýggjastu tíðindi