Av royndum frá so mongum árum svitast ikki, at áhugin úr Tinganesi (sum loyvisveitari mótvegis SEV) hevur í mestan mun virkað órógvandi, stýrdur av “betrivitan” - við øvund og forháling.

At karva eitt so lítið el- og orkufelag í lítla oyggjalandi okkara sundur við so flottum “móta”-orðum sum: Meiri grøna orku, cost-benefit, kapping, solidaritet, gjøgnumskygni, príslækkan etc. – tað tykist verða eitt váðaverk.
Jú, vitiliga - enn fleiri kokkar, meiri umsiting, fleiri nevndir (har ið onkur landspartur er alkendur fyri sína serstøðu og klammarí).

Og hvar var nú ábyrgdin úr Tinganesi viðv. verkætlanum sum Glasir o.ø.? Enn eitt úrslit av Finn Norman-doktrin sambandsins, sum eingin enn torir at nerta við klova?

Piet Hein (skald og vísindamaður) sigur: Být ábyrgdina ímillum tveir persónar, og táið á stendur, hava hesir báðir bara eitt procent av ábyrgd í part. Meðan tey 98 procentini fara lúkst niður ímillum báðar!
Saknar nakar dømi um hetta - stýrd úr Tinganesi?

Tð skrivar Arnstein Niclasen á facebook-vanga sínum