Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Lýsing
Lýsing

Løgmaður sáar alment iva um reiðiligheitina hjá SEV

Innanlands, Lesarabrøv | 30/07-2020 10:00

Gjørdist sera skakkur av at hoyra útsagnirnar hjá løgmanni fyrrapart ólavsøkuaftan í KvF, har løgmaður alment sáar iva um handfaring og reiðiligheit hjá SEV, í eini roynd at rættvísgera eina skundaða sundurskiljing av SEV.

Tað er eitt álvarsmál, tá løgmaður leggur SEV undir óreglusemi, og leggur upp til stríð, heldur enn samstarv um broytingar á elorkuøkinum. Harumframt misnýtir løgmaður eitt mál, sum er í gongd í umsitingini, í síni herferð móti SEV

Gjørdist sera skakkur av at hoyra útsagnirnar hjá løgmanni fyrrapart ólavsøkuaftan í KvF, har løgmaður alment sáar iva um handfaring og reiðiligheit hjá SEV, í eini roynd at rættvísgera eina skundaða sundurskiljing av SEV.

Tað er serstakliga harmiligt, at kommunurnar og SEV ikki eru boðin við í eitt samstarv, ella í minsta lagi eitt virðiligt samskifti um, hvussu elorkuøkið í Føroyum skal skipast, so tað er til gagns fyri føroyska samfelagið, brúkaran og grønu kósina.
 
Kommunurnar, vinnan og alt Føroya fólk hevur krav uppá, at elorkuøkið, sum er ein hornasteinur undir føroyska samfelagnum, verður virðiliga og sakliga viðgørt. Ætlaðar betringar eiga at verða framdar við skili og undirbygdum grundgevingum og ætlanum  – heldur enn at verða skundaðar ígjøgnum.
 

Nýtir óloystan tulkingarspurning í herferðini móti SEV

Fyri at undirbyggja ætlanir sínar um sundurskiljing, vísir løgmaður í samrøðu við KvF í dag til eitt mál millum Elveitingareftirlitið og SEV um tulking av inntøkutrygdini í útbjóðingartilfarinum og eftirfylgjandi avrokning av vindorku í Húsahaga sum grundgeving.

Til tað er at siga, at inntøkutrygdin, sum orkumyndugleikin ásetti í sambandi við útbjóðingina av vindmyllulundini í Húsahaga í 2012, var júst sett fyri at tryggja javnbjóðis kapping. Ikki allir partar, sum bjóðaðu, høvdu egnar vinddátur sum neyðugt grundarlag fyri tilboði. Tí gav myndugleikin øllum eitt og sama grundarlag at  bjóða út frá, við at áseta eina árliga inntøkutrygd  á 41,4 GWt, soleiðis at allir partar høvdu somu fortreytir at bjóða eftir.

Tað er ósakligt av løgmanni at brúka hetta mál til at undirbyggja sínar egnu niðurstøður. Í fyrsta lagi tí at hetta málið ikki snýr seg um sundurskiljing, men um tulking av útbjóðingartreytum og avrokningarmannagongd. Í øðrum lagi tí at málið er í gongd og eingin niðurstøða fyriliggur enn.

SEV leggur upp til samstarv  

Tó at SEV fleiri ferðir hevur boðið seg til at samstarva við landsstýrið um framtíðar eløkið í Føroyum, eru SEV og kommunurnar hildnar uttan fyri arbeiðið higartil, sum er gjørt handan stongdar dyr.

Eg fari enn einaferð at vísa á, at kommunurnar og SEV fegin luttaka í samskifti og samstarvi um framtíðarætlanir fyri elorkuøkið í Føroyum.

Góða ólavsøku

John Zachariassen, nevndarformaður í SEV


Meiningar og hugleiðingar ið verða bornar fram í hesum lesarabrævið, umboða ikki meiningar, áskoðanir ella sjónarmið hjá leiðsluni í R7 Kringvarp.

Lagt út: Birgir Waag Høgnesen
Lýsing
Mest lisið í farnu viku
Samrøða: Bjarti Mohr um amerikanska forestavalið 2020
Ein í koronakø: Vit larraðu okkum fram í næstan seks tímar
Obama stuðlaði islamum at byggja mosku, har Twin Towers stóðu
Vespureiðrið (146) - 10. aug. 2020
Til lukku Bárður
Størsta vinningsbýti nakrantíð í Evropa
Samrøða: Elsti maður í Barentshavi­num farin seinasta túrin
Er Corona bert eitt ringt beinkrím ella undirgangur Vesturlanda
Kendist gott at koma her
Við fastur síni til konsert
Suðuroyar Sjúkra­hús: Vit pota eisini í dag leygar­dagin 8. august
Venjara­felagið: Vit undrast yvir, at ávísir venjarar fáa loyvi til at standa á odda fyri sínum liði
Borgar­stjóri: Haldi tykkum burtur í kvøld
Fyritøkur sum Burberry, Nike og H&M brenna síni avlopsklæði
Brandur Sandoy svarar Linjohn Christiansen aftur
Petur Hans Dahl. veðurfrøð­ingur: Veðurvá­nir fyri hesa vikuna (vika 33)
Ein oldingi avloysir ein avdeyða sum forseti í Algeria
Beirut: Russiskur reiðari undir illgruna
Ikki alt er so galið kortini
So eksploderaði smittan: 14 nýggir koronatilburðir
Danmark setir fleiri lond á gula listan
Sigla olju út um landið
Malawi: ein veik glæma úr Afrika
Miðil: Ein matstova í Eysturoynni helt ikki kunngerð­ina
Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Nýggjastu tíðindi