Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Lýsing
Lýsing

Tá ið løgmaður neyðtók Mikkjal á Ryggi

Innanlands, Lesarabrøv | 31/07-2020 12:00

Okkara fremstu politikarar, sum t.d. løgmaður,  eru at vísa seg ikki so frægt at sær komnir, at teir duga at skriva eina røðu.

Eitt av nýggju fyribrigdunum, sum okkara tíð hevur borið okkum, er starvið sum røðuskrivari.

Okkara fremstu politikarar, sum t.d. løgmaður,  eru at vísa seg ikki so frægt at sær komnir, at teir duga at skriva eina røðu.

Og tá er røðuskrivarin tøkur, tí hann hevur lært, hvussu ein boðskapur skal orðast, so hann glíður væl niður hjá fjøldini, sum politikararnir munnu halda vera býtta.

Ofta verður leitað í bókmentasøguna eftir einum tráði, og í ár stóð Mikkjal á Ryggi fyri skotum.

Hóast tað kann tykjast at vera eitt sindur bersøgið sagt, so er henda røðuskriving eitt slag av søgufalsan, tí hóast røðan kann sita væl, so er als eingin vissa um, at tann, sum verður brúktur til at skapa ryggin í røðuni, yvirhøvur hevði tikið undir við tí politiska boðskapi, sum røðuskrivarin vil hava fjøldina at gloypa.

Tak nú løgmansrøðuna í 2020, har ið Mikkjal á Ryggi verður neyðtikin.

Løgmaður hevur ikki skrivað røðuna, men hann hevur ábyrgdina av henni.

Mikkjal á Ryggi var føddur í 1879 í Miðvági.

Sjálvsagt vita vit einki um, hvørja støðu hann hevði havt til, at ein meirluti á løgtingi lóggav rættindini hjá tjóðini til fiskiríkidømið niður í lummarnar á einum fimm reiðarum – strámonnum ella ikki strámonnum hjá útlendskum fyritøkum.

Ella at tað, sum felagsskapurin eigur, skal avreiðast til onkran privatan.

Ella at vit skulu avreiða okkum til ES fyri pening til tey fáu.

Ella at okkara persónsupplýsingar skulu avreiðast til stórkapitalin.

Ella at vit skulu leggja okkum á búkin fyri dønum, tá ið um trygdarpolitikk ræður.

Tá ið Mikkjal vaks til mans, mundu hetta ikki vera spurningar, sum uppi vóru í kjakinum yvirhøvur.

Hví skal hann so neyðtakast fyri opnari mikrofon?

Eitt vita vit tó við vissu: Hann var hugtikin av tjóðskaparrørsluni.

26 ára gamal, í 1906, yrkti hann m.a. soleiðis:

“Sólin roðar á tindum,
hon rennur úr havi brátt,
føroyingar ganga í blindum,
skilja ei nón frá nátt.

Sólin stígur úr havi,
hon boðar ein nýggjan dag –
til dáð ella deyð? Gud gævi,
at føroyingar ansaðu tað.”

Tá var hesin 26 ára gamli unglingi so smæðin, at hann ikki hættaði sær at seta navn undir. “Gunnleygur” stóð undir yrkingini.

Blaðstjórin á “Tingakrossi”, Kristin í Geil, var so hugtikin og eggjaður av hesi yrkingini, at hann setti hesa heilsan í blaðið:

“Heilur og sælur, Gunnleygur!
Nú tørvast skaldaljóð.
Latið kvæðið dirvismikla
hita Førings blóð.

Ómyndingar og øvundardýr
stjala burt merg og mátt.
Blás í hornið, Gunnleygur!
Blás sterkan og frían tátt.”

Mikkjal doyði í 1956.

Hann hevur tískil hvílt undir flagi í skjótt 65 ár.

Er nøkur orsøk til, at hesin merkismaður skuldi verða neyðtikin av einum sambandsløgmanni sjálvan ólavsøkudag í 2020?

Árni Dahl


Meiningar og hugleiðingar ið verða bornar fram í hesum lesarabrævið, umboða ikki meiningar, áskoðanir ella sjónarmið hjá leiðsluni í R7 Kringvarp.

Lagt út: Birgir Waag Høgnesen
Lýsing
Mest lisið í farnu viku
Samrøða: Bjarti Mohr um amerikanska forestavalið 2020
Ein í koronakø: Vit larraðu okkum fram í næstan seks tímar
Obama stuðlaði islamum at byggja mosku, har Twin Towers stóðu
Vespureiðrið (146) - 10. aug. 2020
Til lukku Bárður
Størsta vinningsbýti nakrantíð í Evropa
Samrøða: Elsti maður í Barentshavi­num farin seinasta túrin
Er Corona bert eitt ringt beinkrím ella undirgangur Vesturlanda
Kendist gott at koma her
Við fastur síni til konsert
Suðuroyar Sjúkra­hús: Vit pota eisini í dag leygar­dagin 8. august
Venjara­felagið: Vit undrast yvir, at ávísir venjarar fáa loyvi til at standa á odda fyri sínum liði
Fyritøkur sum Burberry, Nike og H&M brenna síni avlopsklæði
Borgar­stjóri: Haldi tykkum burtur í kvøld
Brandur Sandoy svarar Linjohn Christiansen aftur
Petur Hans Dahl. veðurfrøð­ingur: Veðurvá­nir fyri hesa vikuna (vika 33)
Ein oldingi avloysir ein avdeyða sum forseti í Algeria
Beirut: Russiskur reiðari undir illgruna
Ikki alt er so galið kortini
So eksploderaði smittan: 14 nýggir koronatilburðir
Danmark setir fleiri lond á gula listan
Sigla olju út um landið
Malawi: ein veik glæma úr Afrika
Miðil: Ein matstova í Eysturoynni helt ikki kunngerð­ina
Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Nýggjastu tíðindi