Bæði útvarpið og sjónvarpið hjá Kringvarpinum sendu úr grannaløgum í Havn, har skipað var fyri ólavsøkuhaldi.

Tiltøkini í grannaløgunum kring býin vóru yvirhøvur sera væleydnað, samstarvið var gott og fólk fegnaðust bæði um sosialu samveruna og um stuðulin frá kommununi, sum í flestu førum fór til leigu av tjøldum og til undirhald frá tónleikarum og øðrum.

Hesar myndirnar eru frá einum av nýggjastu grannaløgunum í høvuðsstaðnum, oman Gil í Hoyvík. Har var tjald sett upp á parkeringsøkinum við nýggja spæliplássið, børnini gingu skrúðgongu og klovnurin Bubu undirhelt. Fleiri spøl vóru til børnini á spæliplássinum.

Um dagin varð farið at grilla. Seinnapartin spældu Danny & Ingi á parkeringsøkinum og um kvøldið hevði Jens Marni konsert í tjaldinum. Kvøldið endaði við einum drekkamunni og felagssangi afturvið útvarpinum í tjaldinum.

torshavn.fo