Tað er eitt risastórt grønt framstig, at fleiri nýggj og framkomin skip eru á veg í flotan, sigur løgmaður í síni ólavsøkurøðu.

Men er tað nú rætt, sum løgmaður sigur?

Roknaða CO2-útlátið er proportionalt við oljunýtsluna, og tá ið nýggju skipini, løgmaður sipar til, samanlagt bæði eru væl størri og hava væl størri dieselmotorar enn tey, sum fara úr flotanum, verður oljunýtslan helst hægri og harvið CO2-útlátið eisini.

Grønlendingar, sum er frammanfyri okkum at endurnýggja fiskiskipaflotan, eru longu komnir eftir, at oljunýtslan er vaksin við nýggju skipunum.

Tað skrivar Thormund Johannesen, sum er skipsverkfrøðingur M.Sc og eisini skipstekniskur ráðgevi hjá Knud E. Hansen á sínum facebook-vanga.