Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Lýsing
Lýsing

Altíð eftirsnarin

Lesarabrøv, Politikkur | 31/07-2020 18:47

Fleiri fólk eru í landinum, og hóast koronu er áhugin fyri Føroyum alsamt vaksandi uttanlands. Men okur hava onga trygd fyri, at okra oyggjaland verður vart, og als ongan politiskan vilja ella dirvi til at loysa trupulleikan.

Bygdir verða avtoftaðar av býarfólki og útlendingum, meðan vanliga arbeiðsfamiljan má vera nøgd við vesalakor í gomlum kjallarum.

Fyri at loysa bústaðartrupulleikan og fyri at tryggja, at Føroyar ikki gerast tómar ferðavinnu bygdir, sigur Bárður løgmaður akkurát onki. Men at privata vinnan má inn í spælið er nevningarvert. Síðan kopierar løgmaður hugskotið við, at fakfeløg og onnur við skulu loysa trupulleikan, ella rættari sagt fáa eitt stykki av køkuni. Meðan lyklaorð sum bústaðarskylda, tænastugjald og skattur ikki eru at hóma nakrastaðni. Útlendingurin kann enn keypa bygdirnar undan okum, og ikki eitt oyra kemur landi ella fólki til góðar. Kommunuskatturin skal gjalda gildið, men húsaeigarin er fremmandur og fær inntøkur fyri sítt eyka hús. Fólkens hevur fingið sítt, og Sambandið sleppur at fríggja til danir. Restin er líka mikið.

Í ólavsøkurøðu síni segði løgmaður so: 

"Eg vóni, at privata vinnan gerst virknari á bústaðarmarknaðinum. Eitt nú kundi eitt samspæl millum pensjónsfeløg, fakfeløg, bankar, privat feløg og Bústaðir birt upp undir nýggjar fíggingarmøguleikar. Tí tess fleiri møguleikar, vit hava, tess størri ávirkan kunnu fólk hava á síni bústaðarviðurskifti. Og vit skulu royna at tryggja øllum frælsi til at skipa sítt lív, sum tey ynskja sær – á øllum økjum."

Frælsi á øllum økjum og ikki ein tann einasta treyt. Sokallaðu liberalistarnir halda hús og jørð eru friðhalgað útlendskum ognarskapi og treytum. Eitt eyga fyri eitt eyga, nei ikki eru hesir bláoygdir, heldur blindir.

Grannalond og smátjóðir kring heimin seta treytir og avmarkingar fyri at tryggja tjóðina og fólkið, sum har býr. Ognarskapurin er treytaður og ger mun, so at stórur kapitalur ikki ger bygdir til útlendskan stuttleikastað. Summarhúslundir nevnir ongin í samgonguni.

Trupulleikin stendur við og versnar, men sæl er sálanna jorsalferð. Sum samgongan higartil hevur prógvað, er bert dugur í teirra baksýni, og tá alt er farið fyri bakka, tá, sum opportunistiskir populistar, vakna teir. Men tá er alt ov seint.

Jens Arni Leo Hammerfoss, formaður í Suðuroyar Norðara Javnaðarfelag


Meiningar og hugleiðingar ið verða bornar fram í hesum lesarabrævið, umboða ikki meiningar, áskoðanir ella sjónarmið hjá leiðsluni í R7 Kringvarp.

Lagt út: Randi Jacobsen
Lýsing
Mest lisið í farnu viku
Samrøða: Bjarti Mohr um amerikanska forestavalið 2020
Ein í koronakø: Vit larraðu okkum fram í næstan seks tímar
Obama stuðlaði islamum at byggja mosku, har Twin Towers stóðu
Vespureiðrið (146) - 10. aug. 2020
Til lukku Bárður
Størsta vinningsbýti nakrantíð í Evropa
Samrøða: Elsti maður í Barentshavi­num farin seinasta túrin
Er Corona bert eitt ringt beinkrím ella undirgangur Vesturlanda
Kendist gott at koma her
Við fastur síni til konsert
Suðuroyar Sjúkra­hús: Vit pota eisini í dag leygar­dagin 8. august
Venjara­felagið: Vit undrast yvir, at ávísir venjarar fáa loyvi til at standa á odda fyri sínum liði
Borgar­stjóri: Haldi tykkum burtur í kvøld
Fyritøkur sum Burberry, Nike og H&M brenna síni avlopsklæði
Brandur Sandoy svarar Linjohn Christiansen aftur
Petur Hans Dahl. veðurfrøð­ingur: Veðurvá­nir fyri hesa vikuna (vika 33)
Ein oldingi avloysir ein avdeyða sum forseti í Algeria
Beirut: Russiskur reiðari undir illgruna
Ikki alt er so galið kortini
So eksploderaði smittan: 14 nýggir koronatilburðir
Danmark setir fleiri lond á gula listan
Sigla olju út um landið
Malawi: ein veik glæma úr Afrika
Miðil: Ein matstova í Eysturoynni helt ikki kunngerð­ina
Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Nýggjastu tíðindi