Orðini eigur Jóhan Petur í Soylu, á Sandi, sum hevur ført Eysturbúgvan síðani teir keyptu hann í 1994.

Ikki tí, Jóhan Petur stóð á brúnni tá sjómanstrúboðarin vitjaði umborð í morgun.

-Jú, jú, eg eri givin á sjónum! Eg havi bara verið ein avloysaratúr sum stýrimaður. Eg kom á “landsliðið” í summar, so nú eri eg givin eftir 40 góð ár á sjónum.

Jóhan Petur arbeidi heima í nøkur ár, men tað treivst hann ikki við. Hann fór so aftur til skips og sjólívið hevur verið tað besta arbeiðið fyri hann.
Hann hevur bæði siglt sum maskinmeistari og sum skipari.

-Vit keyptu Eysturbúgvan á tvangi í 1994 – sum var ein krepputíð. Tað hevur bæði verið spennandi og strævið at rikið skipið, men vit hava staðið saman um Eysturbúgvan og tað hevur borið til. Vit hava samtrolað við Vesturbúgvan øll árini- sigur Jóhan Petur lítillátur og takksamur.

Nú hann gevst á sjónum, gleðir hann seg til at vera meiri saman við familjuni og at fáa betri tíð at taka sær av seyði og jørð.

Í morgun landaðu Eysturbúgvin og Vesturbúgvin 270 tons av gullaksi á Toftum, sum Tavan i Leirvík keypir.

Kvotan av gullaksið, sum er 11.700 tons í ár, er um at vera uppifiskað. Tavan keypir ikki meira í ár og tí koma tey trý pørini, sum veiða gullaks, at landa restina av kvotuni aðrastaðni.

Sjómanstrúboðarin bað eina bøn saman við Jóhan Petur, har takkað var fyri mongu árini og skip, manning - og teirra kæru løgd í Harrans hendur.

Teimum og sjófólkinum annars verður ynskt Guds signing og varðveitslu.

Tað skrivar Føroyska Sjómansmissiónun, sum eisini eigur myndina. TJ-myndir. 

Fleiri myndir eru https://www.facebook.com/sjomansmissionin/photos/pcb.1458426904204851/1458423860871822/?type=3&theater