Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Lýsing
Lýsing

Góðu tit, sum ráða fyri borgum, latið tann blomstrandi partin av tí almenna fáa frið

Innanlands, Lesarabrøv | 03/08-2020 10:24

Tað er ein óvani altíð at fara í urtagarðin hjá hinum og henta nýútsprungnu blómurnar, og seta tær í ein vasa inni í stovuni hjá sær sjálvum, ella selja tær til onkran annan.

Latið blómurnar fáa frið!
Farið nú væl um ognir føroyinga. Hesar grundsúlur føroyinga - almennu partafeløgini -hava tikið virkseminum mansaldrar at byggja upp. Feløgini eru sólskinssøgur og fyrimyndir fyri nógv onnur framkomin lond í dag. Latið nú verða við at selja hesi til tey, sum ikki hava somu áhugamál, sum tað almenna hevur víst seg at hava - og eigur at hava!

Afturvendandi grundgevingin hjá teimum, sum vilja selja almennu partafeløgini er, at hesi hava ein bygna, sum ikki virkar. At man ikki fær alment innlit er nakað, sum hevur verið kritiserað. Jamen, er tað tað, so er at broyta ta greinina, so hon ikki er ein forðing fyri innliti.

Og so siga tey, at man skal privatisera, tí tað er tað, sum er best fyri borgaran. Men selur man t.d Føroya Tele, so kann broytingin lættliga gerast, at vitanin, sum FT hevur bygt upp í eina øld verður seld av landinum, og so verða nakrar sølubúðir settar upp í Føroyum, og vinningsbýtið sent av landinum. Hvat er tá vunnið – fyri føroyingar?

Tá ið Eik-banki var í hæddini fyrst í øldini, vóru sterkir lobbyistar, sum vildu privatisera allan Føroya Banka. Vit fingu aftur og aftur at vita, at um vit ikki loyvdu hesum, so fór FB at verða munandi afturúrsilgdur í mun til Eik-banka, - har alt jú gekk við rúkandi ferð. Lukkutíð forðaði bankakreppan í 2008 privatiseringini av FB fult út. FB slapp tí ikki at herma eftir - ella kappast á jøvnum føti, sum tað eitur, við Eik. Um lobbyistarnir fingu sín vilja, hvørjum hevði hetta so annars havt gagnað?

Góðu tit, sum ráða fyri borgum, latið tann blomstrandi partin av tí almenna fáa frið, so leingi sum hann blomstrar.
Tað er ein óvani altíð at fara í urtagarðin hjá hinum og henta nýútsprungnu blómurnar, og seta tær í ein vasa inni í stovuni hjá sær sjálvum, ella selja tær til onkran annan.

Tað skrivar Anita á Fríðriksmørk á sínum facbook-vanga.


Meiningar og hugleiðingar ið verða bornar fram í hesum lesarabrævið, umboða ikki meiningar, áskoðanir ella sjónarmið hjá leiðsluni í R7 Kringvarp.

Lagt út: Birgir Waag Høgnesen
Lýsing
Mest lisið í farnu viku
Dagur og vika eigur at koma við eini umbering
Vespureiðrið (152) - 21. sept. 2020
NOVA úr Suðuroynni (49) - 23. sept. 2020
Samrøða: Jógvan Poulsen, USA-fjeppari
Farmurin var sandur, grús og bátar
Samrøða: Pál Weihe um Koronavirus
Svenski forsætis­ráð­har­rin Løfven leypur á tilfluttar brotsmenn
Nú kemur Hannah Arendt í øllum førum til Føroyar
Nýggi Borgaralistin heldur almennan uppstillingarfund
Lækni í Eystur­kommunu
Reiðari stillar upp á lista B
Á Torginum 22. sept. 2020 - Samrøða: Jóna og Jóannis Skorheim
Norröna fær áleið 50 kabinur aftrat
Heldur rakt av einum meteori enn at Trump verður aftur valdur forseti
Teir hava uppiborið sítt serliga pláss, sum eitt slag av tøkk fyri leiklutin
Úr bandasavni­num: Samrøða við Olga Jóhanna Magnussen
Petur Hans Dahl, veðurfrøð­ingur: Veðurvá­nir fyri hesa vikuna (vika 39)
Føroyska arbeiðið í Eliaskirkjuni 40 ár
Borgarliga kumpassin má rættast og nýggj kós setast
Lógarin­nar langi armur: Bróðir Manchester bumbaran dømdur
Grísarnir flúgva, áðrenn flogferðslan verður CO2-frí
Annika Olsen: Heilsan til føroyskar veteranar
Eitt er neyðugt
Dimma.fo loysir
Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Nýggjastu tíðindi