Altjóða Sálarheilsudagur-tiltakið er avlýst
Altjóða Sálarheilsudagur-tiltakið, sum skuldi verið í Tórsgøtu á Altjóða Sálarheilsudegnum 10. oktober, er avlýst.
Arbeitt verður tó við, at skipa fyri einum spennandi talgildum tiltaki, har øll fáa møguleikan at luttaka, boðar Sinnisbati frá.
- Vit hava bíðað til seinastu løtu at vita, hvussu støðan við Koronu fór at laga seg, men vit mugu tíverri ásanna, at nú farsóttin aftur ger um seg í Føroyum, so er ikki ráðiligt at savna omanfyri 500 fólkum á Altjóða Sálarheilsudegnum. Serliga tí fleiri av teimum sum luttaka á degnum, eru fakfólk á heilsu- og almannaøkinum. Hesi fólk eru júst um teir borgararnar, sum vit øll skulu ansa serliga væl eftir í løtuni, ikki gerast sjúk av koronasmittuni, stendur í skrivi frá Sinnisbata.
Somuleiðis er stóra stuðulskonsertin, sum skuldi verið um kvøldið hin 10. oktobur á Reinsarínum, avlýst. Ætlanin var at savna pening inn til fyribyrgjandi arbeiðið hjá felagnum, eitt nú dulnevndu ráðgevingina og barna- og ungdómsarbeiðið.
- Vit harmast um støðuna, men vóna at vit skjótt kunnu venda aftur til vanliga virksemið hjá Sinnisbata, verður sagt.
Mest lisið í farnu viku
Samband
Heygsvegur 8
490 Strendur