Føroysk matvøruvirkir, sum útflyta til Euroasiatiska búskaparsamveldið, m.a. Russland, skulu vera á einum grønum lista hjá russiska matvørumyndugleikanum Rosselkhoznadzor.

Øll vøra sum fer úr Føroyum til Russlands, verður kannað á markinum til Russland, og finnur marknaeftirlitið nakað frávik við vøruni, verður Heilsufrøðiliga starvsstovan kunnað um hetta.

Pelagos í Fuglafirði hevur verður reytt síðani apríl í ár, og Bakkafrost Processing á Glyvrum hevur verið reytt síðani januar í ár.

Eftir áhaldandi arbeiði er bræv nú komið frá Rosselkhoznadzor, um, at bæði virkini nú eru vorðin grøn og tí kunnu útflyta teirra vøru til Russlands aftur.