Facebook og Twitter strika útsøgn hjá Trump
Bæði Facebook og Twitter hava strikað útsøgn hjá Donald Trump, forseta í USA, um koronavirusið. Hetta er fyrstu ferð, at Facebook strikar útsøgn hjá amerikanska forsetanum, og Twitter gjørdi júst tað sama løtu seinni. Báðir miðlarnir siga, at tað sum varð deilt, vísir skeivar upplýsingar
Útsøgnin, sum er strikað, er eitt brot úr eini samrøðu, sum Trump gjørdi við sjónvarpsrásina, Fox TV. Í samrøðuni segði Trump, at børn eru “næstan mótstøðufør” móti covid-19.
Tíðindafólk á New York Times, Davey Alba, vísur á, at hetta er fyrstu ferð Facebook hevur tikið nakað niður, sum amerikanski forsetin hevur deilt á sosiala miðlinum, tí tað er brot á leiðreglurnar um villeiðandi kunning um koronasmittuna.
Hetta sama brotið, sum eisini varð deilt á Twitter, varð eisini steðgað. Og Twitter noktaði forsetanum at deila nakað sum helst annað, fyrr enn útsøgnin um børn og koronasmittuna varð strikað. Tað skrivar Washington Post.
Fyrstu ferð Twitter setti eitt merki á eina útsøgn frá amerikanska forsetanum, har víst varð til upplýsingar, sum søgdu forsetanum ímóti, var í mai mánaða. Hetta vakti stóran ans. Tá snúi tað seg millum annað um brævatkvøður.
Bara í apríl mána, vóru 50 mió. Útsøgnir á Facebook merktar, tí tær deildu skeiva vitan um koronasmittuna.
ST sigur eisini, at sera nógv skeiv vitan um koronafarsóttina verður deild um allan heim.
Menningarátakið hjá ST, nevnt UNDP, sigur:
- Stórar mongdir at skeivum upplýsingum er við til at gera arbeiðið móti koronafarsóttini veikari, og hetta setir lív í váa. Sosialir miðlar og óseriøsar tíðindakeldur eru við til at fáa fólk at óttast, hetta er við til at brennimerkja ávís fólkasløg, gera mismun og hetta ørkymlar fólk, sigur UNDP.
Mest lisið í farnu viku
Samband
Heygsvegur 8
490 Strendur