Byrja varisliga í skúla aftur
Eftir ætlan byrja næmingarnir í fólkaskúlanum aftur í næstu viku, týsdagin 18. august. Skúlagongdin á miðnámsskúlunum og Vinnuháskúlanum byrjar eftir ætlan eisini í næstu viku.
Í løtuni er Uttanríkis- og mentamálaráðið saman við Undirvísingarstýrinum, skúlaleiðslunum kring landið, kommununum og Koronaráðgevingini í ferð við at fyrireika, hvussu farið verður aftur í skúla.
Tað er umráðandi, at almennu tilmælini verða fylgd, og tí verða ymiskar tillagingar gjørdar fyri at byrgja smittuspjaðing. Ítøkiliga merkja hesar tillagingar millum annað, at:
• undirvísingin verður skipað í vanligu flokkunum, og miðað verður eftir at halda allar flokkarnar atskildar, soleiðis at næmingarnir bara eru saman við næmingunum í sínum egna flokki,
• at ongar stórar samkomur vera, so sum morgunsangur, og fríkorterini verða skipað øðrvísi enn vanligt,
• foreldur verða biðin um ikki at koma inn í skúlan við teirra børnum,
• og miðað verður móti, at koronakanningar verða gjørdar av lærarunum, áðrenn skúlagongdin byrjar.
Fylgt verður væl við, hvørjar heilsufakligar tilráðingar eru, og neyðug tiltøk verða sett í verk út frá hesum, greiðir Uttanríkis- og mentamálaráðið frá.
Mest lisið í farnu viku
Samband
Heygsvegur 8
490 Strendur