B36: tíbetur vóru tað ikki fleiri tilburðir staðfestir
Teir kunnu tí halda fram við fyrireikingunum til EL-dyst okkara, og felagið fer at testa allar spælararnar aftur fríggjadagin og mánadagin.
Sum kunnugt varð ein í leiðarahópinum hjá felagnum testaður positivur fyri koronu. Tí bleiv allur hópurin kring Betri-liðnum hjá felagnum testaður aftur í dag, ( les í gjár ) og tíbetur vóru ikki fleiri tilburðir staðfestir. Tað skrivaði B36.fo í gjár.
Teir halda fram. Allur hópurin var í sjálvbodnum sóttarhaldi, til eitt svar uppá testina í dag ( les í gjár )var greitt. Vit hava samskift við landslæknan aftur í kvøld ( les í gjørkvøldið ), og niðurstøðan hjá landslæknanum var, at umstøðurnar kring tilburðin vóru av tílíkum slag, at hópurin ikki er settur í sóttarhald.
Vit kunnu tí halda fram við fyrireikingunum til EL-dyst okkara, og felagið fer at testa allar spælararnar aftur fríggjadagin og mánadagin. Fyri at binda um heilan fingur, verður eingin venjing, fyrr enn vit hava fingið svar upp á testirnar, sum verða tiknir fríggjamorgunin.
B36.fo
Mest lisið í farnu viku
Havstovan tilmælur at stongja tað mesta
Samband
Heygsvegur 8
490 Strendur