Fríggjadagin vóru tríggir tilburðir staðfestir millum tær 2029 kanningarnar, sum vórðu gjørdar, og leygardagin vórðu tveir nýggir tilburðir staðfestir, og tá vórðu 1088 kanningar gjørdar. 

Allar kanningar eru liðugt greinaðar. 

Hyggja vit at seinastu døgunum sæst, at talið á koronutilburðum er fallið. Seinastu fimm dagarnar sær soleiðis út:

11. august vóru 14 fólk staðfest við smittuni í 2.454 kanningum

12. august vóru 12 fólk staðfest við smittuni í 2.599 kanningum

13. august vóru 5 fólk staðfest við smittuni í 2.163 kanningum

14. august vóru 3 fólk staðfest við smittuni í 2.029 kanningum

Og 15. august, tað var leygardagin, vóru 2 fólk staðfest við koronasmittuni í 1.088 kanningum.

Higartil eru 372 fólk staðfest við koronusmittuni í Føroyum, og av teimum eru 225 vorðin frísk aftur.

Meira enn 700 fólk sita í sóttarhaldi í løtuni.