HB og KÍ stóru vinnararnir, tá Víkingur, NSÍ og B36 mistu stig
HB og KÍ vunnu á ávíkavist TB/FCS/Royn og ÍF og kundu samstundis fegnast um, at kappingarneytarnir úr Víkingi, NSÍ og B36 mistu stig.
Aleksandar Stankov var stóra hetjan í Gundadali, tá hann við tveimum málum tryggjaði HB ein 2-1 sigur á felagsliðnum úr Suðuroy.
Búi Egilsson legði annars suðuroyingarnir á odda beinanvegin, men leigusveinurin hjá heimaliðnum javnaði eftir eitt korter, og tíggju minuttir áðrenn steðgin legði hann heimaliðið á odda 2-1, sum eisini gjørdist endaliga støðan.
Í Klaksvík vann KÍ 3-1 á ÍF. Heimaliðið hevði yvirtakið meginpartin av dystinum, og var á odda 2-0 í hálvleikinum. Semir Hadzibulic og Albert Adu syrgdu fyri málunum.
Hendan leiðslan sá leingi út til at gerast endaliga úrslitið, men í 86. minutti minkaði Ari Ó. Ellingsgaard fyri fuglfirðingarnar. Tað gjørdist spennandi eina løtu, men heilt til endans tryggjaði Páll A. Klettskarð KÍ øll stigini, tá hann skoraði eftir fríspark.
07 Vestur megnaði at spæla seg til ein flottan 2-2 javnleik í Sarpugerði, og Víkingur hevur nú spælt tríggjar javnleikir á rað. Torstein Mýlingstind legði útiliðið á odda eftir fýra minuttum, men Gert Hansen javnaði eftir horna.
Gert Hansen skallaði enn eitt horna í netið átta minuttir eftir steðgin, og nú sá út til at Víkingur skuldu fara avstað við øllum. Ken Fagerberg vildi tað kortini øðrvísi, og svenski framherjin javnaði átta minuttir seinni.
Setningurin hjá heimaliðnum gjørdist torførari, tá Sorin Anghel fekk reytt kort, og tað eydnaðist heldur ikki Víkingi at skora avgerandi málið.
NSÍ var favorittur á heimavølli móti Skála, men máttu taka til takkar við 1-1 javnleiki, eftir at útiliðið leingi var á odda. Hákun Edmundsson legði Skála á framum miðskeiðis í fyrra hálvleiki, men Árni Frederiksberg javnaði tríggjar minuttir fyri leiklok.
B36 skuffaði við Margáir, har teir í árstalsfelagnum ikki megnaðu at spæla seg til stórvegis málmøguleikar, og tí bert fingu ein 0-0 javnleik við sær aftur til Havnar. EB/Streymur vardi væl, og tað var sjónligt, at árstalsfelagið manglaði profilarnar Lukasz Cieslewicz og Philip Lund.
Sjeynda umfar í Effodeildini
HB-Suðringar 2-1 (2-1)
03. 0-1 Búi Egilsson
15. 1-1 Aleksandar Stankov
35. 2-1 Aleksandar Stankov
EB/Streymur-B36 0-0
NSÍ-Skála 1-1 (0-1)
22. 0-1 Hákun Edmunsson
87. 1-1 Árni Frederiksberg
Víkingur-07 Vestur 2-2 (1-1)
04. 0-1 Torstein Mýlingstind
30. 1-1 Gert Hansen
53. 2-1 Gert Hansen
61. 2-2 Ken Fagerberg
KÍ-ÍF 3-1 (2-0)
05. 1-0 Semir Hadzibulic
45. 2-0 Albert Adu
86. 2-1 Ari Ó. Ellingsgaard
93. 3-1 Páll A. Klettskarð
Mest lisið í farnu viku
Samband
Heygsvegur 8
490 Strendur