Handklæðini og borðlappin tola nógv í tí dagliga, men kunnu eisini vera herviligar smittukeldur. Munur er tó á borðlappanum og handklæðnum.

Vit eru ivaleyst fleiri, sum ivast í, hvussu ofta tað er rættast at skifta okkara borðlappar og handkløð út. Ein vanligan dag leggur ein borðlappi kropp til matleivdir og vætu av ymsum slagi, skiftandi hendur og flatur, og kann tí skjótt gerast ein rættilig bakteriubumba.   

Sambært samrøðu, sum Alt for damerne hevur gjørt við serfrøðing innan reinføri, er tað ymiskt, hvussu leingi handkløð og borðlappar halda seg rein. Til dømis kunnu baðihandkløðini halda sær rein upp ímóti eini lítlari viku.

- Men tað er treytað av, hvussu rein tú ert, tá tú nýtir handklæði. Vaskar tú tær væl um allan kroppin, er eingin vandi fyri smittuspjaðing. Men vaskar tú tær ikki ordiliga, er vandi fyri smittu sum eitt nú ekolibakterium, sum tú kanst gerast sjúk av.

Fyri at leingja um nýtsluna av handklæðnum, er tað ikki líkamikið, hvussu tú turkar tað, tá tú ert liðug við tað.

- Ansa eftir ikki at hanga tað soleiðis, at tað verður rukkað saman, soleiðis at møguligar bakteriur fáa gróðrarlíkindi. Bakteriur trívast jú best í vátum umhvørvi.

Royn og hong tað upp, so tað hongur slætt, og tveit tað í vask, um tað byrjar at lukta.

Borðlappin og handklæði til hendurnar

Meðan baðihandklæðið kann halda sær reint upp ímóti eini heilari viku – treytað av, at tað verður hongt rætt upp at turka eftir nýtslu – eru krøvini til borðlappan og handklæðið til hendurnar munandi strangari. ...........  Hendan áhugaverda grein stendur á kvinna.fo - les alla greinina HER  Rithøvundur er EILEN ANTHONIUSSEN