Salvini ikki enn rættarsøktur fyri mannarán
Í vár samtykti italska senatið, at Matteo Salvini skal rættarsøkjast fyri mannarán. Salvini var italskur innanríkisráðharri, sum saman við flokki sínum Liguni varð tveittur úr stjórnini av hinu makkaranum, 5-flokkarørsluni. Hesin átti forsætisráðharran, Conti við meiri myndugleika av teimum, og tí vann.
Síðan skipaði 5-flokkarørslan samgongu við italska Javnaðarflokkinum, PD. Hesir báðir flokkarnir hava fingið dyggan stuðul frá Brussel ímóti Liguni. ES er fyri at fylla Evropa við útlendingum og hatar tí Matteo Salvini og Liguna.
Senatið tók órinið frá Salvini, tí hann skuldi hava misbrúkt sína støðu sum innanríkisráðharri, tá hann bannaði 131 sjórekum úr Norðafrika at sleppa í land í Italia av einum vaktarskipi, ið hevði tikið tey av einum smuglarabáti.
Hesir sjórekar sluppu í land nakað seinni í Spania, sum fekk stuðul frá ES.
Men enn tykist ikki meiri at henda í hesum ætlaða, politiska sakarmáli, sum Salvini annars sigur seg vera ernan av at verða hóttur við.
Verður hann rættarsøktur og dømdur sekur, kann hann fáa 15 ára fongsul.
“Eg hevði gjørt tað sama umaftur og fari at nokta øllum sjórekum at sleppa í land í Italia, tá eg komi aftur í stjórn.”
Tað er komið óvart á mong, at verandi italska mið-vinstrastjórnin hevur hildið so leingi á, tí flokkarnir báðir kappast um somu veljarar og hava tí ikki sitið væl um sátt, fyrrenn teir løgdu saman ímóti Salvini og Liguni, ið ikki vilja hava fleiri landastrok inn í Italia.
Men sum ikki eina ferð er galdandi millum 5-stjørnurørsluna og PD, at ‘felags fíggindi ger vinir’. Soleingi teir hava Salvini at stríðast ímóti, halda teir saman.
Annars hevur gingið striltið hjá Salvini at fáa fótin í politiska hurðargloppið í Italia, tí at Javnaðarflokkurin hevur eitt væl mannað og skipað lið av ‘storm-troppum’ (nevndir ‘Sardinur’, sum hava forðað Liguni at vinna tey eykaval, ið hava verið nýliga, enntá tað seinasta uppi í Norðuritalia, har Ligan er sterkast.
Mest lisið í farnu viku
Samband
Heygsvegur 8
490 Strendur