Luxembourg ger alla kollektiva ferðslu ókeypis fyri brúkarar
Herfyri legði stjórnin í Luxembourg City kongin og strikaði øll gjøld fyri at brúka kollektiva ferðslu, sporvagnar, tok og bussar, mest vanlig flutningsfør.
Orsøkin er ikki ein sosialistisk roynd at kollektivisera allan flutning við fólki, men eitt átak til at minka trongsulin á vegunum í lítla, men ríkasta landi í ES, ja, helst í heiminum. Stjórnin vil hava fólk at seta bilin og ferðast saman.
Luxembourg liggur á markinum millum Týskland, Frakland og Belgia. Lítla landið fekk sjálvstýri frá Fraklandi 1815 og varð lagt til Hollands sum fúrstadømi, bleiv ST-limur í 1945 og var við til at stovna EEC í 50-unum.
Luxembourg er bert 2.600 km2, nærum 2 ferðir Føroyar í vavi, men hevur einki minni enn 620.000 íbúgvar, eini 12 ferðir fólkatalið í Føroyum. Sostatt er fólkatættleikin í Luxembourg 223 fólk pr. km2, móti Føroyum 22 fólk pr km2.
Høvuðstaðurin eitur Luxembourg City og hevur 120.000 íbúgvar, ella 5-6 ferðir fólkatalið í Tórshavnar kommunu.
Tjóðarinntøkan hjá Luxembourg er $115.000 (= 680.000 kr) pr íbúgva í miðal) ella 2-falt hægri enn í Føroyum. Vit tjena $ 56.000 (=350.000 kr).
Hví fólk í Luxembourg eru so rík í miðal, spyr onkur? Jú, tí landið liggur fjálgt millum onnur væla lond og fær stóra inntøku sum banka- og tryggingardepil.
Fyri at eitt (ofta lítið) land verður ríkt, er, at tað er lágskattland við) lagaligari skattaskipan. Í Luxembourg er øll inntøka skattafrí upp til um 80.000 kr. Lægsta skattastig eftir tað er 8%, og so stighækkandi upp til 42% toppskatt. Men fyri at gjalda toppskatt skal ein persónur tjena uml 3.5 mió kr um árið.
Luxembourg hevur 670 bilar fyri hvørji 1.000 fólk (Føroyar 505 bilar pr 1000).
Fólk vóna nú at sleppa undan ferðsluproppum (serliga) í høvuðstaðnum. Almennur fólkaflutningur hevur verið stuðlaður. Ein buss- ella tokbillett hevur kostað Eur 2 , ella Eur 450 fyri eitt ársferðagjald.
Inntøkan frá almennum ferðaseðlum er bert 8% av landsins fíggjarlóg Eur 1.500 mill (= 11 mia kr, ið er 2 ferðir hægri enn føroyska fíggjarlógin, hóast tólkatalið í Luxembourg er 12 ferðir størri enn tað Føroyska). So skattatrýstið á hvønn luxemburgara er sera lágt. Luxembourg er sum sagt eitt lágskattland.
Mest lisið í farnu viku
Samband
Heygsvegur 8
490 Strendur