Asnin, (donkey, æsel, asen...), verður nú friðaður í Kenya. Kenya er fyrsta land í Afrika, sum tekur hesa avgerð fyri at verja hetta skjótt hótta djóraslagið.

Stjórnin í Nairobi, høvuðstaðnum í Kenya, hevur tikið avgerðina um við lóg at verja asnan, tí at eftirspurningurin eftir asnahúðum er øktur eksplosivt í Kina.

Kinesarar hava ta pátrúgv, at tú kanst vinna ávís evni úr asnahúð til heilivág. Tað er eisini kinesiskur eftirspurningur, ið hevur gjørt tað neyðugt at friðja fílin, nasahyrningin o.o. djórasløg, tí kinverjar eru so grammir eftir rárum dýrum.

Tað nyttar einki, at altjóða friðingar verða samtyktar, tí stjórnin í Peking er kommunistisk, og kommunistar (eins og islamar) halda ikki gjørdar avtalur.

Kinesiski eftirspurningurin eftir asnahúðum hevur fingið prísin á teimum upp. “Tað loysir seg væl nú hjá kenyanskum bóndum og keypmonnum at ala asna til sláturs og at selja húðirnar. Tað hevur gjørt handil við asna góða inntøku,” segði kenyanski landbúnarráðharrin Peter Munya við fjølmiðlarnar.

Stuldur av asnum er vaksin við rakettferð í Kenya og ivaleyst øðrum londum.

“Um hetta heldur fram, verður asnastovnurin gjørdur til einkis eftir fáum árum, og búskapurin verður ávirkaður skeivan veg,” legði Munya aftrat.

Heili 10 mió kenyanar líta á asnan fíggjarliga til flutning og førning.

Hóast royndir at ala asnar til arbeiðsendamál er talið á hesum gagnliga arbeiðsdjóri fallið úr 1,8 mió til 1,2 asnar íalt í Kenya eftir bert 10 árum.