Fyrstu mánaðirnar, ið hertogin og hertoginnan av Essex, búðu á Vancouver Island í Kanada, vórðu tey vard av the Mounted Canadian Police 24/7.

Tey bæði høvdu boðað frá, at tey fóru at búgva í Kanada, USA og Bretlandi.

Sum heild vóru kanadiar jaligir um teir fyrr kongligu borgararnar, og Kanada er jú eisini limaland í bretska Commonwealth. So hví ikki vera fyrikomandi?

Men eftir at Harry og Meghan høvdu sagt síni kongligu heiti frá sær og vóru vorðin vanligir borgarar, gjørdi kanadiska stjórnin í Ottawa av, at kanadiski statskassin ikki longur fór at fíggja verjuna hjá hesum fyrr royalu hátingum.

Tað er ikki bert at biðja lova sær. Tað fall mongum fyri bróstið, at tey bæði fóru at fjasast við og vinna pening av vinstrapolitikki og at gera seg upp sum aðrar Hollywood skapikrukkur, ið hóast allar sosialar fyrimunir avnokta síni privilegii.

Stjórnin hjá Trudeau grundgav sína avgerð við, at ‘hon var í tráð við nýggja statusin hjá teimum báðu fyrr ‘senior’ monarkisku persónum.’

Tá av tornaði, segði bert 5. hvør kanadiari, altso bert 20% av teim spurdu, at tað er skeivt at brúka landsins skattapening til at verja 2 fólk, sum nú hava valt at vera vanlig privatfólk sum aðrir kanadiskir borgarar.

Enn er óvist, hvør fer at fíggja privatu verjuna hjá Harry og Meghan runt klokkuna. Lítil ivi er um, at tey bæði fara at hava tørv á kropsverju, tá tey ganga runt og gera seg upp sum vanligir ‘social justice warriors’.

Mong eru tey, ið kundu hugsa sær at vunnið hesum fyrr kongligu neisir.

Harry ljóðar og sær nú kávalætin og kunstigur út, tá hann ger seg upp og júkar sín boðskap um sosialan javna, kvinnusak, anti-rasismu, veðurlags-tvass, fremmandahatur, javnstøðu millum tey 58 nýggju kynini hjá LGBT, intersectionalismu, hvítan framíhjárætt o.t., sum pyntidukkan úr Hollywood við greyti millum oyruni hevur gjørt fyrrv. Harry, Duke of Essex í øðrviti av.

Harry hevur ivaleyst gjørt spógvabýti at skifta sína kongligu tign við eina dullu úr Hollywood, og tað skuldi verið løgið, um Meghan ikki finnur sær ein annan. Statt tá sum Kánus, Harry hertogi. Hann hevur næstan biðið um tað.