Eri illur eftir at hava sæð Dag og Viku. Tey vísa myndir av okkara Skansa, og siga, at myndirnar vísa, at fólk ikki virða tilmælini til fótbólt. Tað skrivar Niels Uni Dam á facebook - vanga sínum. 

Her er Dagur & Vika, sum Niels Uni sipar til - Trýst HER

Niels Uni heldur fram.

Eisini lat verturin landsstýrismannin trúgva hesum og diskutera útfrá, at hetta vóru myndir av áskoðaraatburði undir korona.

Men myndirnar av mær og øðrum í Skansanum eru frá áðrenn korona, og tí í besta falli misvísandi.
Dagur og vika eigur at koma við eini umbering.

Skansin er nakað av tí besta, ið er hent fyri føroyskan fótbólt, syndarligt, at tit soleiðis svína hann til!

Annars gevur hatta myndatilfarið onga meining. Tí landsstýrið hevur júst somu tilmæli til fótbólt sum til aðra mentan. Til ber bara ikki líka væl at deila upp í sonur á spælistøðum.

Talið 100 er burturvið í størru spælistøðunum, og faktiskt heilt óneyðugt, um hini tilmælini verða hildin, tað átti at verið vinkulin.

Tað skrivar Niels Uni Dam á facebook - vanga sínum.