Heldur rakt av einum meteori enn at Trump verður aftur valdur forseti
Demokratar kappast um, hvør kann hata Donald Trump mest.
Hetta er svakasta valstríð í nýggjari amerikanskari søgu. Ikki ólíkt valstríðnum til valið í 1860, tá Dems í Suðurstatunum hataðu republikanska valevnið, Abe Lincoln, tí hann hevði sum fremsta valmál at banna teirra trælahaldi.
Nú eru Dems svakir, tí at teir óttast fyri, at Reps fara at fáa nøkur fá svørt at atkvøða fyri Trump, ið er nokk til, at Trump verður valdur og ikki Biden.
Tað gav at býta, tá ein veljarakanning í lítla statinum New Hampshire setti Dems spurningar. Ein spurningur var, hvat tey heldur vildu:
1. at ein meteorur skuldi raka heimin og týna alt mannalív, ella
2. at Trump verður valdur forseti.
Bert 38% vildu heldur, at Trump verður valdur, so tey sjálvi sleppa at liva.
62% vildu, at meteorurin rakti heimin og týndi øll, enn at Trump verður valdur.
Men kenslurnar vóru ymiskar, eftir sum tey spurdu hava inntøkur til.
Í lægra inntøkuenda, við undir $ 50.000 í ársinntøku (= 350.000 kr), søgdu 69%, at tey heldur vildu týnast av meteorinum.
Í hægra inntøkubólkinum, $ 100.000 (= 650.000 kr +) í ársinntøku helt ein tepur meiriluti, 52%, at Trump sum forseta verður kanska líka frægt, sum at tey øll doyðu, tí at heimurin varð raktur av einum risa meteori.
Mest lisið í farnu viku
Putin vil hava Biden og ikki Trump
Undirskot landskassans 150 milliónir
Samband
Heygsvegur 8
490 Strendur