Hollendski býurin Utrecht heimsins mesti súkklubýur
Tað er ikki bert Havnar býráð, ið virkar fyri at gera býin meiri súkkluvinaligan.
Skjótast vaksandi býur í Hollandi, Utrecht, hevur kunngjørt eina risa byggi-ætlan fram við eini av býarinnar størstu vatnveitum, har 6.000 íbúðir verða bygdar við útsýni yvir kanalinar, men har vanlig bilakoyring verður ‘útt’.
Sostatt fer Utrecht at eiga eitt av størstu gonguøkjum, Merwede av navni, hagar 4 størri blindvegir føra inn, men ikki útaftur. Bilparkering verður undir jørð fyri avmarkað tal av bilum. Á veghædd verður býarparturin heilt bilfríur.
Málið við hesi býarbygging er at bøta lívsgóðskuma hjá íbúgvunum og at grundfesta súkkling sum mest brúkta fólkaflutning. Holland er minst líka væl skikkað til hjólhestin sum Danmark. Tí Holland er slætt sum ein fótboltsvøllur.
1/3 av Hollandi liggur handan byrgingar út ímóti Norðsjónum niðan fyri sjóvarmálan í hædd. Men veðrið er norðurevropeiskt og Hollend er tí neyvan hitt best skikkaða súkklulandið í vetrarveðri. Men hollendingar súkkla sum brent kortini
Av teim 350.000 íbúgvunum í Utrecht eiga 96% minst eina súkklu í part, og Utrecht hevur leingi verðið dúgliga vitjað av súkkluturistum.
Tað var júst Utrecht, ið gjørdi sína fyrstu súkklubreyt longu í 1885, stongdi fleiri gøtur í miðbýnum fyri bilferðslu í 1965, og bygdi í fjør størsta ‘súkkluskúr’ í Evropa sum part av jarnbreytastøðini í býnum við plássi fyri 12.500 súkklum.
Mest lisið í farnu viku
Putin vil hava Biden og ikki Trump
Undirskot landskassans 150 milliónir
Samband
Heygsvegur 8
490 Strendur