Krúnukrím noyddi belgiskar politikarar at skipa stjórn
Eftir at hava kjakast í 15 mánaðir eftir síðsta val, føldu belgiskir politikarar seg noyddar at skipa stjórn fyri at basa krúnukríminum og spara belgiska fólkið.
Orsøkin til, at tað tekur mánaðir eftir hvørt val at skipa stjórn í Belgia, er, at landið er býtt í tveir partar við tveimum málum, walonskum (fronskum) fyri sunnan og flamskum (hollendskum) fyri norðan.
Hvør helvt av landinum hevur sínar somu flokkar, og tað er trupult hjá meinlíkum flokkum at samstarva tvørtur um málmarkið. Altso vilja walonskir og flamskir sosialistar ikki samstarva. Heldur ikki walonskir og flamskir borgarligir flokkar.
Ei undur í, at tað stendur í botni at skipa stjórn eftir hvørt val, tá belgiar klandrast um alt, hóast flokkarnir siga seg vilja tað sama, tveir og tveir.
Nýggja minnilutastjórnin í Brussel valdi kvinnuligan forsætismálaráðharra, Sophie Wilmes. Stjórnin fór straks til arbeiðis við at verja land og fólk móti CV.
Tiltøkini hava verið heldur strangari enn í øðrum Vestanlondum. Eingin óneyðug útigongd, øll felags átøk bannað, fólk sluppu bert til handils eitt og eitt, øll kropsvenjing skuldi vera innandura og bert eitt fólk til hárfríðkan í senn
Men lítið batti. Belgia legði seg skjótt á odda við CV-tilburðum og deyðstølum.
Mánadagin vóru 865 belgiar deyðir av ella við CV fyri hvørja miljón íbúgvar.
Tað er 230 færri deyð í Spania og 280 færri deyð í Italia, ið bæði eru hart rakt.
Uttan mun til, hvussu væl ella illa tað gekst Belgia við krúnukrími, so gjørdi Corona, at belgiar, ið annars klandrast sum hundur og ketta politiskt, tóku seg saman og fingu skipað eina stjórn. ‘Fælles fjende gør ven’, sum danir siga.
Mest lisið í farnu viku
Putin vil hava Biden og ikki Trump
Undirskot landskassans 150 milliónir
Samband
Heygsvegur 8
490 Strendur