Deyðsorsøkirnar kring heimin eru mangar og aðrar enn COVID
Í Føroyum eru eini 250 fólk deyð higartil í ár, men eingin av Corona.
Higartil í 2020 hava íalt um 30 mió fólk kring heim havt ‘krúnukrím’, ella hvat vit á føroyskum skulu kalla beinkrímið, ið hevur havt mong nøvn, Wuhankrím, Kinakrím, CCP-krím ella COVID 19 pandemi, ið Sprotin kallar ‘alheimsfarsótt’.
Vit plagdu at tosa um farsótt ella landfarsótt, umfarsjúku, men fittasta orðið er helst beinkrím, 2 stavilsi og eitt av mongum slíkum hørðum krímum.
Krúnukrímið vekir ræðslu og panikk í mongum, men av teim 30 mió fólkum, ið vita seg hava havt tað, eru 22 mió frísk aftur og gudhavilov bert 1 mió deyð.
Vit vita fyri vist, at heili 96% av teim deyðu eru deyð av øðrum sjúkum enn CV og bert 4% av 3% av 30 mió eru deyð av CV og øll hini av fylgisjúkum.
Ná, men læknavísmenn og politiska valdið hava so valt at byrgja øll fólk inni, so heimsins búskapir eru farnir í svart, ístaðin fyri at lata frísk fólk arbeiða, og brúka alla orku til at verja tey sjúku, gomlu og veiku.
Miðal aldurin fyri tey COVID deyðu er 80 ár. Tað ber nevniliga næstan ikki til at doyggja av Covid, um ein er undir 60 ár og annars frískur.
Tað er áhugavert og tankavekjandi at sammeta tey 40.000 fólkini, ið eru deyð av CV kring heim við aðrar av deyðsorsøkir, síggja vit fylgjandi mynstur.
Deyð hvørt ár kring allan heim av fylgjandi sjúkum eru smbr Google:
½ mió fólk deyð av malaria
1,0 mió av beinkrími (hóast koppseting fæst)
1,6 mió av sukursjúku (diabetis)
1,5 mió av tuberklum
3,0 mió av ovurfiti
3,0 mió av lungnasjúkum
7,5 mió av blóðtrýsti
4,3 mió av skitnum drekkivatni (bert India og Kina 2,7 mia íbúgvar)
15 mió av heilabløðing
18 mió av krabbameini
Niðurstøðan er, at ‘krúnukrím’ er bert ein av mongum sjúkum, vit doyggja av.
Mest lisið í farnu viku
Putin vil hava Biden og ikki Trump
Undirskot landskassans 150 milliónir
Samband
Heygsvegur 8
490 Strendur