Í vikuskiftinum møtti eitt væl mannað lið at fáa lagt seinasta partin av flagnum á langlonina inn móti túninum á Nólsoyar Páls húsinum - eisini kallað Biskupstøðgarðinum.

Hetta er drúgvt og tungt arbeiði, men tá ið nógvar hendur hjálpa til, so líður undan. Tað skrivar Dávur Winther, mentanarleiðari í Klaksvíkr kommunu á sínum facebook-vanga.

Tað var í tøkum tíma at fáa gjørt hetta arbeiðið, so gróður nær at koma í tekjuna fyri veturin.

Jú, nú sær húsið rættiliga prýðiligt út, og nú eru ”bert” snøklar eftir at fáa gjørt inni, so húsið rættiliga kann verða tikið í nýtslu.

Spennandi verður!

https://www.facebook.com/nolsoyarpall.fo 

Endar Dávur Winther, mentanarleiðari í Klaksvíkr kommunu á sínum facebook-vanga, sum eisini eigur mynd/irnar