Mánakvøldið vórðu hølir og starvsfólk klár at taka ímóti fyrstu sjúklingunum í nýggju lonunum millum G-bygningin og barakkina á Landssjúkrahúsinum.

Saman við forstjóranum vóru vit framvið týsdagin og heilsaðu uppá. Deildarleiðarin Arnbjørg Danielsen vísti runt í lonini og greiddi frá arbeiðinum á deildini. Nógv verður gjørt burtur úr trygd og nýtslu av eitt nú verndarútgerð og tað hevur riggað stak væl.

Koronadeildin er ætlað sjúklingum við covid-19 og øðrum sjúklingum, har illgruni er um koronu. Í løtuni eru pláss fyri fýra sjúklingum, men um stutta tíð verða upp í átta pláss á koronadeildini.

LS.fo