VIDEO: HANDAN KAMPIN VINNUR BILL MÓTI JOHAN
Hetta er ikki óvæntað. Tað, sum er óvæntað er, at Miðflokkurin fór uppí samgonguna, uttan at fáa sítt hjartamál ígjøgnum: Nevniliga at samkynd skuldu missa rættin av giftast.
Í dag, eitt gott ár eftir at samgongan var skipað, kom fyrsta hóttanin um samgonguslit.
Johan Dahl sigur, at hann fer at atkvøða fyri einum møguligum uppskoti um at javnseta samkynd hjún við onnur. Og Bill Justinussen svarar, at ger hann tað, er eingin samgonga.
Hetta er ikki óvæntað. Tað, sum er óvæntað er, at Miðflokkurin fór uppí samgonguna, uttan at fáa sítt hjartamál ígjøgnum: Nevniliga at samkynd skuldu missa rættin av giftast. Í hesum videobrotinum, lagt út beint fyri valið, vísti eg á, hví tað væl kundi henda.
Tað hendi ikki, tí nøkur frísinnað fólk blivu hóast alt vald fyri Sambands- og Fólkaflokkin.
Hinvegin fekk Miðflokkurin nógv afturfyri at slaka í tí málinum, sum hesin flokkur er heilt besettur av. Hann fekk jú allan virðispolitikkin, sum hann er: Skúlamál, mentamál og uttanríkismál. Jenis av Rana gjørdist maðurin, sum meira enn nakar annar skuldi umboða føroysk virði hesi fýra árini. Ikki so galið, tá mann bara hevur stuðul frá einum lítlum brotparti av veljarunum.
Men hóast hann hevur fingið so nógv, er tað óhugsandi, at Miðflokkurin slakar fyri Johan Dahl og nøkrum fáum øðrum frísinnaðum fólkum í samgonguni.
Miðfloksins stevnumið eru jú meira víðgongd, enn hjá nøkrum øðrum stjórnarberandi flokki í Vestureuropa. Og flokkurin, sum einaferð helt, at Gud kundi fara at drepa allar føroyingar, tí ein løgmaður helt eina talu fyri nøkrum samkyndum fólkum (sí videobrot), fer aldrin at góðtaka at tað verður ”slakað” meira.
At tað gongur út yvir nakrar familjur og nøkur børn, hevur lítlan týdning í teirri stóru myndini.
Hetta betýðir eitt sindur fyri nøkur fá liberal í samgonguni, men tað betýðir ALT fyri Miðflokkin. Tí vinnur Bill handan kampin.
Tað skrivar Sjúrður Skaale á facebook- vanga sínum
Mest lisið í farnu viku
Samband
Heygsvegur 8
490 Strendur