Í ár doyði Maeve Kennedy McKean og lítli sonur hennara í róðrarbáti á Chesapeake víkini á veg út eftir einum fótbólki, ið sonurin hevði mist á sjógv. Báturin koppaði, og bæði mamman og sonurin druknaðu. Tá ein slík bátsvan-lukka hendir í stóra USA, verður tað kanska nevnt í miðlum á staðnum, men tá talan er um limir í tí kendu kennedy-ættini, verður tað umtalað kring landið.

Vit, sum eru farin um tey 60, minnast í undran, hvussu Camelot, tann politiska ævintýrtilveran hjá tí víðagitna og múgvandi Kennedy klaninum varð pumpað upp í tí longu tá umfatandi Dem pressuni, ið helt Kennedy mytuni uppi.

Hesi stóru politisku ríkmannaættini hevur ikki verið blíða lagnu lagað. Eldri Joe Kennedy giftist Rose, ríkmannadóttir í Boston. Tey fingu nógv børn, tá katolikkum líkt. Elsti sonurin Joe læt lív í kyrrahavskrígnum móti Japan.

Joe gamli tjenti nógvan pening ólógliga við svartabørshandli í forboðstíðini fyri rusdrekka í 1920-árunum. Joe var sum íri demokratur og stuðlaði Roosevelt forseta fíggjarliga og afturfyri settur sendimaður í London.

Hann hjálpti næst elsta soni, John Fitzgerald Kennedy í Umboðsmannatingið, so í Senatið valdur í Dem. Massachusset, har Kennedy-ættin átti politisku sessirnar, teim lysti. JFK giftist Jacqueline, dóttir borgarstjóran í Boston. Í 1960 vann JFK forsetavalið (við valsviki) ímóti Nixon.

JFK varð myrdur í 1963. Sama Robert F Kennedy í 1968 væl á veg í forseta-sessin. Fjórði bróðurin, Teddy, koyrdi fullur á nátt bilin út av brúnni um ánna Chappaquiddick við unnustuni í. Hon var við barn og druknaði. Ted boðaði løgregluni frá dagin eftir, men Dem miðlarnir hildu hondina yvir honum.

Sosialistiski Ted fekk hóast alkoholikari og drápið av Mary Kopechnie langt lív í politikki. Dems eru ikki so moralskt kræsnir, tá um politiskar leiðarar ræður. Sorgarleikir trutu ikki í familjuni: Kathleen (systir JFK og Bobby) og John (sonur JFK) doyðu í flogvanlukkum í ávikavist í 1948 og 1999.

Í farnu viku fall Joe Kennedy III (sonur Bobby) í undankapping við ein enn meiri vinstrahallan Dem, Ed Markey, til Umboðsmannatingið í Washington. So langt eru Dems riknir til vinstru, at tey vrakaðu sín seinasta Kennedy. Fyrstu ferð í 74 ár, at eingin Kennedy er í Washington fyri Mass og Boston. Tað er amerikansk politisk søga, ið vil nakað. Í dag hevði JFK verið republikani.