Námsfrøðingur, pápi og rættarvitni stungin niður
Ein 26 ára gamal námsfrøðingur skuldi avhenda 4 ára gomlu dóttur sína til barnagarðin í Vollsmose í Odense, har nógvir tilflytarar búgva.
Knappliga varð hann kringsettur av eini 5-7 ungum monnum av útlendskum uppruna, skrivar miðilin Fyens.Dk.
Teir fóru at sláa og sparka pápan fyri eygunum á lítlu dóttrini.
Í fallinum føldi hann ein harðan sviða í lærinum. Tá var hann knívstungin, meðan sløg og spørk raktu hann sum heglingur frá øllum síðum.
Námsfrøðingurin varð innlagdur við álvarsligum løstum.
14 dagar seinni varð ein 17 ára gamal illgerðarmaður handtikin fyri álopið.
“Varðhaldsfongslingin hendi, tí tann tikni verður ákærdur fyri grovan harðskap saman við øðrum. Álopið hendi, tí 26 ára gamli pápin skuldi vitna í rættarmáli ímóti tí 17 ára gamla í eini aðrari sak,’ skrivar Fyens DK.
3 dagar eftir fyrstu handtøkuna tók løgreglan 3 aðrar ungar menn og setti í varðhald. Námsfrøðingurin skal eisini vitna ímóti einum av teim 3 handtiknu.
26 ára gamli námsfrøðingurin og pápin skuldi altso bert gera sína borgara-skyldu at vitna í einum rættarmáli. Tað hevur kostað honum, dóttrini og restini av familju hansara stóran skaða og sársaka langa tíð fram, skrivar altso Fyens.Dk.
Mest lisið í farnu viku
Samband
Heygsvegur 8
490 Strendur