Almenn viðurkenning av spillnaknum margfeldni í Bretlandi
Meðan barnatalið lækkar so tungliga í Bretlandi, sær út til, at teir erotisku møguleikarnir verða alt meiri fjøltáttaðir.
Landsfelagið hjá bretskum nudistum kravdi herfyri av myndugleikunum, at ‘natúrisman’ verður viðurkend sum ein filosofisk ella “heimspekilig trúgv”.
Bert um ástøðið hjá nudistum verður alment viðurkent, kunnu tey fáa lógfrøðiligan status og verða vard sum ein nýggjur kultur, siga tey.
“Í okkara døgum eru vit øll samd um, at hetta at rópa ókvæmisorð eftir øðrum fólki fyri teirra húðalit ella kynsligu serstøðu verður ikki góðtikið,” skrivaði forsetin í landsfelagnum ‘British Naturism.’
“Kortini verða vit naturistar happaðir fyri okkara klædnasiðir (‘dress code’), legði forsetin aftrat síni áheitan um viðurkenning til myndugleikarnar.
Uttan at Andøvsløtan skal leggja út í tað, ið bretskir ‘spillikokkar’ halda um sín religiøsa og filosofiska kult ella klædnavanar, so ljóðar tað nokkso logiskt og rímiligt, at hesir naturistar fáa lívd undir tí kynsliga alfevnandi, ælabogalitta regnskjólinum hjá LGBTQ.
Mest lisið í farnu viku
Samband
Heygsvegur 8
490 Strendur