Somalar langt fremstir ímillum brotsmenn í Danmark
Farnu árini er talið á eftirlýstum brotsmonnum av somalskum uppruna stútt hækkað, og sama er við talinum á revsidømdum somalum. Eisini eru somalar treystastir og drúgvastir móttakarar av danskari almannahjálp. (Korte avis).
Í 2000 vórðu íalt 484 somalar funnir sekir í brotum á revsilógirnar. Í 2018 vórðu 1.489 somalar dømdir fyri brot á somu lógir. Við túsundáraskiftið búðu 8.192 somalar í Danmark í brotsmannaaldri, 15-79 ár, t.e. 0,2% av dønum. Men somalar áttu 0,4% av øllum brotsdómum2-falt so nógv sum eftir fólkatali.
I 2018 var talið á somalum í 15-79 ára aldri nærum tvífaldað til 15.123, t.e. 0,3% av danska fólkatalinum, men nú áttu somalar 1,0% av øllum brotsverkum, t.e. 3 ferðir fleiri, enn teirra lutfall av íbúgvum Danmarkar.
Í nevnda tíðarskeiði 2000-2018 eru íalt 123 somalar dømdir fyri neyðtøku. So eru 2.067 dómar fyri harðskap og 3.748 dómar fyri brot á drøgglógirnar.
Ikki bert somalar, men eisini aðrir ikki-vestlendskir (nógv flestir muslimskir) tilflytarar eru brotsliga yvirumboðaðir.
Í 2018 vóru 8,6% av donskum statsborgarum ikki-vesturlendskir tilflytarar. Hesir (flestir muslimar) áttu 17,2% av øllum revsidómum, sum er 2 ferðir fleiri brotsverk, enn teir telja sum lutfall av øllum dønum.
Alt politiskt tos um at vísa ikki-vesturlendskum brotsmonnum við dómi úr Danmark verður verandi tos, so leingi meiriluti á Fólkatingi heldur fram at geva hesum brotsmonnum og brotskvinnum danskan borgararætt, skrivar danska Den korte avis.
Javnaðarkvinnan Mette Frederiksen, forsætisráðaharri, førdi hesi brotsmanna hagtøl fram á Fólkatingi í fyrru viku og hevði hug at fílast inn á muslimskar brotsmenn í Danmark. Tað er ikki hent fyrr fá sosialdemokratiskum leiðara.
Sama hendi í svenska Ríkisdegnum, har Stefan Løfven, forsætisráðharri, loysti posabandið og ilskaðist inn í brotsligar tilflytarar og harmaðist, at svenski samanrenningarpolitikkurin var miseydnaður, tí muslimar liva og látast í avbyrgdum parallellsamfeløgum við trantinum í sosialkøssum.
Løgið, at sosialistar og teirra borgarligu samseku nú tveita gekkaskortarnar, eftir at teir í ára-10 hava spilt tey út, ið royndu at mótmæla stóru tilflytingini.
Mest lisið í farnu viku
Samband
Heygsvegur 8
490 Strendur