Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Lýsing

Fyrrverandi útvarpsvertur ætlar sær í býráðið

Politikkur | 28/09-2020 02:00

Tann 10. november 2020 verður kommunuval í Føroyum, og í fleiri kommunum er valstríðið so spakuliga við at koma í gongd. Ein av teimum, ið ætlar sær at blíva valdur, er Tóri Højgaard.

Tann 31. august 2020 var uppstillingarfundur hildin hjá lista A í Runavíkar kommunu. Bert 4 av sitandi býráðslimum valdu at stilla upp aftur, og tí vóru fleiri nýggj nøvn á listanum. Eitt navn, ið er nýtt í kommunalpolitiskum høpi – men ikki heilt ókent kortini – er Tóri Højgaard.

Fleiri kenna helst Tóra frá sendingunum, ið hann hevur havt á R7 – eitt nú ”Eyssan” og ”Morgun á R7” saman við Hansu Hansen og Helga Abrahamsen, og so væl umtóktu kjaksendingina ”Tvístøða”, har eitt panel av skilagóðum fólkum viðgjørdu lívsins stóru og smáu spurningar. Harumframt hevur hann eisini javnan verið í ymsum miðlum og greinað og viðmerkt amerikanskan politik.

Eftir loknan lestur í Danmark fluttu Tóri og familjan til Rituvíkar í 2015, har tey hava búð síðani.

”Foreldrini hjá mær eru bæði úr Rituvík, so hóast eg ikki havi búð nakað serligt í Rituvík, havi eg altíð verið nógv í Rituvík, serliga sum barn. Tá ið vit fluttu heim, fall tað okkum tí púra náttúrligt at flyta til Rituvíkar, heldur enn til Havnar eins og nógv av teimum, ið vit kenna frá lestrarumhvørvinum, endaðu við at gera.”

Hetta við at ”vinna” tey, ið flyta heim, er nakað, ið Tóri ætlar at arbeiða fyri, um hann verður valdur.

”Eg skilji væl, at nógv, ið flyta heim eftir loknan lestur, flyta til Havnar. Tað er jú soleiðis, at nógv av teimum størvunum ið krevja langar útbúgvingar, eru í høvuðsstaðnum. Men tá Eysturoyartunnilin letur upp, fer landafrøðin at missa týdningin – um man eitt nú arbeiður mitt í Havnini, so verður tað minni munurin at ferðast til arbeiðis, um man býr í Rituvík ella langt uppi í Hoyvíkshaganum.

Tá frástøðan verður so lítil, verða tað onnur viðurskifti, ið koma at avgerða, hvar fólk velja at seta búgv; m.a. fíggjarligu umstøðurnar, og um byggilendi er tøkt. Tí er tað umráðandi, at vit serliga geva ungum familjum betri umstøður. Tað kann verða við at lækka skattin, hækka barnafrádráttin, lækka ansingargjaldi o.s.fr. At man í størri mun tillagar ansingartilboðini til skeivar arbeiðstíðir hevði eisini hjálpt. 

Eg haldi eisini, at man í størri mun eigur at gera nýggjar útstykkingar í Rituvík, ið er eitt gott og friðsælt stað hjá børnum at vaksa upp.”

Fyrstu tíðina, eftir at familjan var flutt heim, arbeiddi Tóri á R7, men hevur síðani 2018 arbeitt sum løgfrøðingur í landsfyrisitingini. 

”At starvast í landsfyrisitingini er ikki eitt politiskt starv – vit hava jú ikki politiska fyrisiting í Føroyum. Men tá ið man starvast so tætt uppat politisku skipanini, so sigur tað seg sjálvt, at gerandisdagurin av og á verður ávirkaður av politikki. Um endin verður, at veljarin vísur mær tað álit at velja meg í býráðið, so trúgvi eg, at hesar royndir og mín útbúgving sum løgfrøðingur, kunnu verða ein stórur fyrimunur í býráðsarbeiðinum”.


Lagt út: Randi Jacobsen
Lýsing
Mest lisið í farnu viku
BRÁTÍÐINDI: FELAGSLISTIN Á Tvøroyri
LJÓÐBROT: Hann vil verða fyrsti sendimaður føroyinga í Ísrael
Nú skal Turkihúsið takast niður
Ein borgaralisti aftrat á Tvøroyri
Skálvíkingu­rin, Sigurd Christiansen verjir ph.d. á AU
Samrøða: Svein Rógvi Ljósstein um Fish Protein
Domptøru­rin og cirkusrossini
NOVA úr Suðuroynni (52) - 14. okt. 2020
Her er listi A til kommunuvalið á Sandi
Ben Shapiro flytir við virki og 70 starvs­fólkum úr sosialistiska California
Eyðfinn Johansen syngur við á brúnni​
MYNDARØÐ: Skorin sundur og flutt út á Skála
..." borgar­stjóramorð " náttina ímillum 10. og 11. november 2020 ?
Vespureiðrið (156) - 19. okt. 2020
Hondbóltur: Filip Jojic er úttikin til A-landsliðið
Skálavík: MYNDARØÐ: Gistingar­húsið á Mølini reist
Úr bandasavni­num: Samrøða við Eiler Jacobsen 4. partur
Hví rakar Wuhan-krím so hart døkkar sum hvítar bretar?
Tað ber illa til at geva korona skuldina fyri met stóra vøksturin
FBI tikið til rættarsókn yvir 5.000 BLM leiðarar fyri harðskap
Sámal Petur í Grund stillar upp
Samrøða: Jan Rasmussen, hjartalækni
Myndir: 50 ár síðani Logos (fyrr Umanak) bleiv keypt
Eystur­kommuna: 13 eru á Borgaralista­num
Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Nýggjastu tíðindi