Kommunan hevur keypt hesi húsini til nýggja kommunuskrivstovu
Vit fegnast um, at tað eyðnaðist at keypa ognina, tí ognin, sum er góðar 2.200 m2, liggur sera væl fyri í miðstaðarøkinum, og nógvir møguleikar eru fyri at skapa karmar og virksemi av ymiskum slagi.
Sjóvar kommuna keypt ogn í Strandatúni
Sjóvar kommuna merkir væl, at áhugin fyri økinum er øktur munandi tey seinastu árini. Eftirspurningurin eftir grundstykkjum er sera stórur, og fólkatalið veksur. Eisini hevur vinnulívið víst økinum áhuga, og kommunustýrið hevur lagt stóra orku í at víðka karmar og umstøður, soleiðis at tað blívur rúmligari, bæði til búseting og vinnu. Harumframt verður størri og størri dentur lagdur á trivnað og frítíð, og eisini á hesum økinum royna vit eftir førimuni at skapa nøktandi karmar.
Sjóvar kommuna hevur í eina tíð arbeitt við eini miðstaðarætlan, tí vit meta, at tørvurin á einum miðstaði er til staðar. Byrjað verður í smáum, vitandi um at hetta er ein langtíðarætlan, sum allatíðina má vera livandi og javnan verður dagførd og snarað soleiðis sum tíðirnar skifta.
Kommunustýrið metir í hesum sambandi, at ein náttúrligur partur av einum miðstaði, eru hølir til kommunala umsiting. Verandi hølisviðurskifti á Skúlavegi 10 treingja til dagføring, og staðsetingin kundi verið hepnari.
Tá ið ognin, Strandatún 9, varð sett til sølu, mettu vit í kommunustýrinum, at økið var sera hóskiligt til eina nýggja kommunuskrivstovu. Vit avgjørdu skjótt, at vit vildu royna at keypa ognina, og í dag undirskrivaðu vit keypsskjølini.
Vit fegnast um, at tað eyðnaðist at keypa ognina, tí ognin, sum er góðar 2.200 m2, liggur sera væl fyri í miðstaðarøkinum, og nógvir møguleikar eru fyri at skapa karmar og virksemi av ymiskum slagi.
Fyri at fáa júst hesa ognina, bleiv neyðugt at bjóða í almennari sølu, og sambært okkara ráðgeving, hava vit loyvi at bjóða.
Vit hava verið fyri atfinningum í sambandi við eitt uppáhald um, at vit ikki bjóðaðu fyrr enn tíðarfreistin var farin. Vit kunnu upplýsa, at vit hava yvirhildið tíðarfreistir í sambandi við boðgevingina.
Hetta kommunustýrið hevur útvega umleið 60 nýggj grundstykki, og eru øll hjartaliga vælkomin at búseta seg í Sjóvar kommunu.
Tað skrivar sjovar.fo
Mest lisið í farnu viku
Samband
Heygsvegur 8
490 Strendur