Menighetsfakultetet og kvinnan í prestakjóla - nýggj støða
Menighetsfakultetet (MF) er ein Lutherskur Gudfrøðiligur læristovnur á universitetsstøði, sum heldur til í Århus. Ein líknandi læristovnur er í Keypmannahavn, sum kallast Dansk Bibel Institut (DBI).
Fleiri av teimum yngru fólkakirkjuprestunum í Føroyum í dag hava lisið á hesum stovnum. Tað, sum er felags fyri hesar læristovnar er, at frálæran er ikki út frá eini bíbliukritiskari hugsjón, men heldur, at øll bíblian er innblást av Anda Guds og er Orð Guds.
Spurningurin um luttøku kvinnunar í samkomu og kirkjum er í hesum døgum vorðin aktuellur í Menighetsfakultetet í Århus, har almenna støðan í hesum máli altið hevur verið, at bíblian lærir, at kvinnan ikki eigur at læra í kirkjuni/samkomuni t.v.s. at talan kann ikki vera um kvinnuligar prestar.
MF-bladet, sum er blaðið hjá Menighetsfakultetet, sigur í septemberútgávuni, at tað í fleiri ára tíggir hevur verið ósemja í lærarahópinum um júst hetta evni, og tí hevur stýrið fyri stovnin nýliga gjørt av ikki longur at hava eina almenna støðu viðvíkjandi kvinnuligum prestum.
DEBAT
Hendan nýggja støðutakanin hevur ført við sær órógv í baklandinum hjá stovninum, og tí hevur Menighetsfakultetet í Århus avsett fríggjadagin 27. november sum ein evnisdag, har kvinnulig prestatænasta verður debaterað av tveimum opponentum, har annar er fyri og annar er ímóti.
Annar opponenturin verður Henrik Højlund frá Aarhus, og hin verður Klaus Vibe ph.d í Nýggja Testamenti. Øll áhugaði eru vælkomin at luttaka, sum er ókeypis.
Kristiliga Tíðindatænastan
v/poul jóhan djurhuus
gjaranes@gmail.com
Tlf: +298 228314
Mest lisið í farnu viku
Samband
Heygsvegur 8
490 Strendur