Týsku rættarmálini ímóti muslimum, ið hava gjørt krígsbrot móti mannaættini minna okkum á brotsmannadómstólin í Nurnberg móti nazistum eftir kríggið.

Í Koblenz er Anwar Raslan, oberstur í løgregluni hjá Bashir Assad, einaræðis-harra í Sýria, ákærdur fyri ábyrgd av at pína minst 4.000 andstøðingar. Hesin torturur var so ringur, at 58 av teimum píndu doyðu undir avhoyring.

Hesin bøðilin flýddi í duldum til Týsklands í 2014, men hann hevur verðið undir eygleiðing, síðan avdúkaður og rættarsøktur eftir altjóða lóg móti fólki uttan mun til, hvar tey hava gjørt seg sek í brotum móti mannaættini.

Ein annar sýrialendingur, við minni myndugleika hjá Assad, hevur eisini verið ákærdur fyri píning, dráp og onnur brot móti andstøðingum.

Ein triði ákærdur, hesin er iraki, er undir ákæru fyri rættinum í Frankfurt, tá hann sum limur í Isis píndi og myrdi fólk við sínum islamsku brotsfeløgum.

Eitt ákærupunkt móti hesum iraka er menniskjahandil við smágentum, sum Isis fangaði eina fjøld av, og sum hesir tænarar Allah – eftir at hava misbrúkt tær sjálvir – seldu sum sextrælir til áhugaðar keyparar í arabiskum londum.

Eitt offur hjá hesum iraka var ein 5-ára gomul yazidisk genta, sum hann var við til at pína og síðan drepa, meðan Isis herjaði í Irak.

Eitt av fyrstu brøgdunum, sum Trump gjørdi sum forseti, var at knúsa Isis, henda muslimska herin av barbarum, sum høvdu hertikið eitt landaøki í Miðeystri á stødd sum Bretland, tá ið Trump varð valdur í 2016.

Latið nú hesi ódjórini royna seg í tí týsku rættarkvørnini, ið eisini umfatar onnur enn týskar brotsmenn, um teir seku hava brotið seg móti mannaættini.