Heimsgitni rappsangarin og hepni (halda mong) maður dreymadrotningina Kim Kardashian, Kanye West,hevur lagt sína starvsleið um farnu 5-6 árini.

Fyrst kundi ein nevnt, at í 2014 mátti tann nú múgvandi Kanye West læna fittan part av tí, tað kostaði at gifta seg í Italia og aftaná halda brúdleyp við Kardashian á einum stadion í California, ið var fult av gestum.

Nú man hesin heimsins kendasti rappari hava goldið síni lán til hátíðarhaldið og hevði uttan iva havt ráð til at gjalda alt gildið sjálvur, um hann skuldi gift seg aftur. Men hjúnabandið hevur tíbetur hildið væl hjá so víðagitnum fólkum.

Rapparin verður nú roknaður meiri vinnulívsmaður enn sangari/undirhaldari, eftir at tann 42 ára gamli West hevur útnevnt seg sjálvan til at vera milliarding.

Hann hevur síðan august í fjør søkt Forbes um alment at viðurkenna sína støðu sum ríkmann ímillum teir mætu. Herfyri eydnaðist hetta so, men bert lutvíst, tá rapparin fekk andlitsmynd av sær á permuna á Forbes Magazine, tó uttan at blaðið staðfesti, hvussu nógv hann er verdur.

Sjálvur hevur Kanye West kunngjørt, at hann er ikki verdur $ 1,3 mia, men $3,3 mia (= 20 mia kr). Nú bíða vit eftir, hvat Forbes sigur til hetta uppáhaldið, um teir kanna og fáa váttað frá ítøkiligum tølum, hvat West er góður fyri.

Hvussu ein sangari, ið hevur rappað seg upp ímillum heimsins múgvandi, sær seg sjálvan, vita vit ikki. Men West er blivin Trump-fjeppari, ið kundi bent á, at hann hevur meiri millum oyruni enn væntað av einum miðal hampa rappara.

Kanska kennir hann seg meiri millum javnlíkar í avlongu skrivstovuni í Hvítu Húsunum yvir av forsetanum enn á einum palli ímillum skríggjandi fjepparar.