Mánadagur 12. Frískur vindur av lands snarandi í landn 10-11 m/s, regn um morgunin og fyrrapartin, men turt um kvøldið. Hitin 8-9 stig

Týsdagur 13. Frískur vindur til gul av landn, 9-4 m/s, fyri tað mesta turt og sólin kemur fram og hitin 6-8 stig

Ónsdagur 14. Lot av landn snarandi í lands, 2-3 m/s, turt og sólin sæst og hitin 7-8 stig

Tórsdagur 15. Lands snarandi í landn 3-6 m/s, okkurt æl og hitin 6-8 stig

Fríggjadagur 16. Landn e. 6-4 m/s, okkurt æl, men sólin kemur fram og hitin 6-8 stig

Leygardagur 17. Landn snarandi í útn 3-8 m/s, turt og sólin kemur fram og hitin 6-8 stig

Sunnudagur 18. Útn.n. snarandi í landn 7-9 m/s, ælaveður og hitin 4-6 stig

Samanumtikið: Fyri tað mesta milum eystan og landn, ikki nógvur vindur, lítið avfall og hitin fyri tað mesta 6-8 stig, tó sunnudagin kaldari.

Veðurtekn:  Ein eldri porkeningur fortaldi mær hetta: Sum heilt ungur minnist hann, at menn stóðu og prátaðu í túninum, helst skemmutúninum, eitt góðveðurskvøld. Mánalýsi var, og tá letur í einum gomlum manni, at hann kemur við illveðri av lands í morgin. Tá ið teir spurdu hann, hvussu hann visti tað, svaraði hann: ”Síggja tit ikki, at ein liður ella op er á veðurgarðinum í ein lands. Hiðani kemur illveðrið.

Petur Hans sigur um veðrið á Ovarugøtu kl. 7 í morgun: Lands. eystan 4 m/s, regn og hitin 7 stig