Støðan var 28-30 tá dómarin knappliga steðgar dystinum. Dómaraborið og spælarar og sjálvur dómarin vóru í drúgvum orðadrátti.

Dómaraborðið fíntaldi hvussu nógv mál vóru komin í dystinum. Endaliga úrslitið var, at  máltalvan bleiv broytt til 29-30.

Endaliga úrslitið av dystinum var 35 - 35. 

Nøkur illsinnis-glevs eru á netinum í løtuni, um avgerðina at broyta máltalvun:

Ein skrivar

Eg vóni at neistaspælarar, viðhaldsfólk og felagið Neistin vísa rættan ítróttaranda, og stuðla tá staðfest verður, hvørt tað er rætt sum úrslitið broyttist til, ella um tað hendi ein feilur, soleiðis sum áskoðarar, viðmerkjarar á FM1 og spælarar upplivdu.
Øll kunnu gera ein feil, og skal eg verða tann fyrsta at viðurkenna um eg taki feil, og rætta úrslit stóð á máltalvuni tá dysturin var liðugur.

Ein annar skrivar 

Ja, hann var stroymdur, og tað ber væl til at síggja, at har ruggaði ikki alt rætt. Tann, sum samanber dómaraseðilin og stroymingina, sær at ein feilur er gjørdur, tíverri.

....og hesin sami  leggur aftrat

Støðan var 27-30 til VÍF. So fær Neistin eitt mál, men dómaraborðið skiftir ikki yvir til 28-30. So ger Neistavenjarin vart við , at tað stendur framvegis 27-30. Dysturin verður steðgaður og so verður verður talvan broytt til 28-30. Men bara nøkur sekund aftan á, meðan tað framvegis er steðgur í dystinum, kemur at standa 29-30 - og sambært dómaraseðlinum er hatta 29. málið skotið ein minutt eftir tað 28. málið. Øgiliga spell at slíkt hendir. Lurti eftir ljóðbrotinum á FM1. Útvarparin og viðmerkjarin skilja ikki, hvaðani hatta 29. málið kom frá.

Aftur ein annar skriva 

Tað er málið, sum dómaraborðið skrivar til 24-26, sum ikki verður skorað av nr 6. Har eru eini 8 fet, og bólturin fer afturum málið, men dómaraborðið skrivar tað á seðilin, men koyrir tað ikki á talvuna.

Lesarin kann sjálvur gera sær eina meting, tá hann hoyrir útvarpsvertin og viðmerkjaran hjá FM1 HER