Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Lýsing
Lýsing

Skálvíkingurin, Sigurd Christiansen verjir ph.d. á AU

Innanlands, Vísind | 15/10-2020 10:42

Sigurd Christiansen hevur verið innskrivaður á Kemisk Institut, Faculty of Natural Sciences, Aarhus Universitet..

Fríggjadagur 23.10.2020, kl. 13:15, Á netinum.  Fríggjadagin 23. oktober fer Sigurd Christiansen at verja ph.d.-ritgerð sína um sjósirm. Ritgerðin kallast: "Sea Spray Aerosols: Formation and Cloud Forming Potential".

Sjósirm tekur seg upp, tá aldur bróta og luft verður blandað í sjógvin. Her skapast luftbløðrur, sum koma upp til vatnskorpuna, har tær bresta og senda elasmáar bitlar við salti og øðrum evnum út í lofthavið. Granskingarúrslitini økja fatanina av, hvussu sjósirm tekur seg upp, og hvørji útlitini eru fyri at skýgerð, til dømis hvussu sjósirm kann virka sum spíri fyri gerð av skýggjum. Úrslitini økja okkara fatan av veðurlagnum. 

Sigurd Christiansen hevur verið innskrivaður á Kemisk Institut, Faculty of Natural Sciences, Aarhus Universitet.

Merete Bilde, professari á Kemisk Institut, Aarhus Universitet, hevur verið høvuðsvegleiðari.

Í metingarnevndini eru:
Gordon McFiggans, professari á Centre for Atmospheric Sciences, School of Earth and Environmental Sciences, University of Manchester
Heike Wex, Seniorgranskari, Experimental aerosol and cloud microphysics, Institute for Tropospheric Research, Leipzig, Tyskland
Steen Uttrup Pedersen, lektari, Kemisk Institut, Aarhus Universitet, Danmark, formaður

Verjan verður á netinum. Til ber at fáa leinki til stroymingina við at send aein teldupost til Sigurd Christiansen, sigurd@chem.au.dk 

Úrtak

Samspæl millum luftbitlar (aerosolir) og skýggj er størsta óvissa í núverandi og komandi veðurlagsforsøgnum. Av hesi orsøk er tað týdningarmikið at fáa eina gjøllari fatan av grundleggjandi tilgongdunum. Tað er viðurkent, at sjósirm er millum størstu natúrligu keldurnar av luftbitlanøgdini í atmosferuni. Hóast teirra stóra týdning fyri veðurlagið manglar ein grundleggjandi fatan av, hvussu sjósirm verður til, og av teimum eginleikum, sum hava týdning í sambandi við skýgerð.

Í rannsóknarkømrum, har ið til ber at eftirlíkna sjósirmgerð, hava vit kannað ta ávirkan, sum luftinntøka, hiti og algunøgd hava á sjósirmgerð, og kannað lívfrøðiliga sirmgerð frá bløðrum, sum bresta. Harumframt hava vit við framkomnum kanningarháttum kannað eginleikar hjá sjósirmi, eitt nú støddarbýti, vatnsúgvandi vøkstur og hvussu sjósirm leggur lunnar undir skýgerð; bæði ígjøgnum dropaskapan og ísgerð.  

Niðurstøðan er, at ferðin á luftinntøkuni samsvarar við sjósirmframleiðsluna, og at sambandið millum hita og sjósirmframleiðslu er ymiskt alt eftir, um ein loddrætt vatnstrála ella luftspreiðari verður nýtt til at eftirgera sjósirm. Viðvíkjandi lívfrøðiligu sjósirmgerðini gjørdist úrslitið, at 10 ferðir fleiri kyknur yvirlivdu, tá ið kyknurnar vórðu turkaðar sum sirm í mun til, tá ið tær vórðu turkaðar á eini yvirflatu. Fyri at fáa greiðu á, hvussu nýframleitt sjósirm sýgur vætu í seg, framdu vit miðvísar kanningar og funnu útav, at tað ólívrunna havsaltið stýrir eginleikunum hjá skýgerð. Vit leggja kortini dent á, eldri sjósirm sýgur munandi minni vætu í seg, tá ið talan er um bitlar við lítlum tvørmáti (50 nm).

Sjósirm, sum er framleitt av arktiskum havfløtumikrolagi og aldum algum, Skeletonema marinoi og Melosira arctica, er nógv vánaligari samanborið við aðrar bitlar, sum spíra ísgerð í skýggjum. Til endans vísa vit á, at eftirlíknað arktisk skýggj, ið bæði innihalda vætu og ís, eru lutfalsliga stívrend mótvegis vætusúgvandi parametrinum κ yvir 0,4. Hetta vísir á, at innanhýsis blanding av lívrunnum evnum í sjósirmi hava lutfalsliga lítla ávirkan á skýdropavirkni.


Lagt út: Birgir Waag Høgnesen
Lýsing
Mest lisið í farnu viku
BRÁTÍÐINDI: FELAGSLISTIN Á Tvøroyri
Nú skal Turkihúsið takast niður
Ein borgaralisti aftrat á Tvøroyri
Javnaðar­flokku­rin klárur á Tvøroyri
Samrøða: Svein Rógvi Ljósstein um Fish Protein
Skálvíkingu­rin, Sigurd Christiansen verjir ph.d. á AU
Domptøru­rin og cirkusrossini
Vespureiðrið (156) - 19. okt. 2020
NØVN: Jákup S. Jóanesarson leiðari í Áarlon í Kvívík
NOVA úr Suðuroynni (52) - 14. okt. 2020
Her er listi A til kommunuvalið á Sandi
MYNDARØÐ: Skorin sundur og flutt út á Skála
Eyðfinn Johansen syngur við á brúnni​
Ben Shapiro flytir við virki og 70 starvs­fólkum úr sosialistiska California
Hondbóltur: Filip Jojic er úttikin til A-landsliðið
..." borgar­stjóramorð " náttina ímillum 10. og 11. november 2020 ?
Skálavík: MYNDARØÐ: Gistingar­húsið á Mølini reist
Úr bandasavni­num: Samrøða við Eiler Jacobsen 4. partur
Myndir: 50 ár síðani Logos (fyrr Umanak) bleiv keypt
Sámal Petur í Grund stillar upp
Hví rakar Wuhan-krím so hart døkkar sum hvítar bretar?
Samrøða: Jan Rasmussen, hjartalækni
FBI tikið til rættarsókn yvir 5.000 BLM leiðarar fyri harðskap
Ring tíð at vera útlendingur í Kina
Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Nýggjastu tíðindi