Jógvan Andersen: Reint vatn er ein sjálvfylgja!
At hava reint kranavatn er ikki nakað ein vanligur borgari í Runavíkar kommunu nakrantíð hugsar um, tað er jú ein sjálvfylgja. Tó er støðan ein heilt onnur hjá yvir 200 borgarum í kommununi.
Í Oyndarfirði, Funningsfirði og Elduvík er nevnliga einki reinsiverk og verður teimum borgarum einans viðmælt at brúka kranavatnið til at vaska klæðir o.l. Við øðrum orðum skulu tey kóka kranavatni til m.a.:
- Drekkivatn
- Busta tenn
- Baða smábørnum
- Drekkivatn til kelidjór
Niðanfyri sæst eitt kunningarskriv frá 2019 um støðuna í hesum bygdunum, sum er óbroytt.
Tað er gleðiligt at flestu økir í Runavíkar kommunu hava reinsiverk til kranavatn og at reinsiverk enntá hava løggilding, men tað er als ikki nøktandi at partar av okkara borgarum í 2020 skulu kóka kranavatnið.
Tað er neyðugt at vit altíð fyrst og fremst tryggja og menna okkara kjarnutænastur í kommununi, herav reint vatn til allar borgarar.
Kjarnutænastur, fyrst og fremst! HER
Mest lisið í farnu viku
Havstovan tilmælur at stongja tað mesta
Samband
Heygsvegur 8
490 Strendur