63% av spurdum vistu ikki, hvat Holocaust snúði seg um
Synd at siga, at snildfonin, teldur o.a. hátøkni bøta um minni hjá ungum fólki. Tað gav at býta, tá ein altjóða kanning hjá sonevnda Claims Conference kunngjørdi sína ársfrágeiðing um jødisku søguna undir 2. Heimskríggi.
Heili 63% av spurdum fólkum undir 40 ár vistu ikki týdningin av sonevnda Holocaust, t.e. nazistiska týningin av 6 mió jødum undir krígnum. Fleiri kendust tó við heitið. Tað skrivar bretska avísin, the Guardian.
Fávitskan milllum amerikansk ung er ringast. Har hildu enntá 10% av teim spurdu, at jødar høvdu skyldina av Holocaust, skrivat the Guardian.
25% hildu, at jødatýningin var ein myta ella í minsta lagi yvirdrivin.
Altjóða jødiski stovnurin, ið stóð fyri hesi kanning, skrivar í ársfrágreiðingini, at við hetta lag verður henda mest vanlukku hending í 19. øld gloymd.
Kommunisma og fasisma kostaði yvir 100 mió mannalív í siðstu øld.
Hvat veit dagsins ungdómur, tá søguvitan er so veik, sum kanningin bendir á? Anti-semitisma (jødahatur) er í aftur í menning av vánaligari upplýsing.
Sum í Føroyum verða ítøkilig fak sum mentamál, týskt og franskt stigað niður og enskt uppraðfest. Eisini fylla STEM-fakini, tey tekniskt ítøkiligu, minni.
Lærugreinar sum landafrøði og søga verða útvatnað. Søga verður skift út við ‘samfelagsfrøði’, ið veruliga er ein inkokrtinering av sosialismu, meðan søgulig grundvitan viknar og/ella verður trokað til viks av óítøkiligum fakum.
Vit kunnu nevna, hvussu púra luftig og óítøkilig fak fylla vaksandi part av lærutíðini, eitt nú javnstøða, rasisma, homofobi, fremmandahatur, kvinnusak, LGBT, kynslig orientering, sexisma, sosialt rættvísi, mikroagressión, trygg rúm, sosialt tilvit, kritisk rasuteori, intersektionalisma, dekonstruktualisma, postmodernisma o.t. møsn, ið mest hevur til endamáls at indoktrina komandi ættarlið av ungum til sosialismu.
Landalæru mistu vit, so fá kenna mun á Selatrað og Senegal, Sumba og Sumatra. Søgan verður trokað út, so fá ána um Salazar, Franco, Pol Pot og Ho Chi Minh.
Eitt er vist: Hesar nevndu lærugreinar megna ikki at geva ungdómum ein fakligan førleika, ið kann geva teimum eitt vanligt, nyttugt arbeiði til at liva av eftir lokin prógv og farna skúlatíð. Tað førir til eina skiljandi misnøgd við ta samfelag, ið tey halda, hevur svikið tey. Tað hevur samfelagið, men av heilt øðrum orsøkum, enn tey halda. Tí mótmæla tey fyri BLM, klimaerrorismu osf.
Mest lisið í farnu viku
Samband
Heygsvegur 8
490 Strendur